WHO is WHO: Жүжигчин Т.Хулан гэж хэн бэ
МҮОНТ-ийн “Сарны нулимс” олон ангит, “Намрын синдром”, “Зөрлөг”, “Түцний охид” зэрэг дэлгэцийн олон уран бүтээлд бүтээсэн дүрүүдээрээ олонд танигдсан жүжигчин бол Т.Хулан. Өдгөө тэрбээр улсдаа ганц байх академик театраар овоглодог.
Түүний тухай сонирхолтой баримтуудыг хүргэе.
- Т.Хулан 1983 оны нэгдүгээр сард мэндэлжээ. Тэрбээр нэг дүүтэй, айлын том охин.
- Нийслэлийн 77-р дунд сургуулийг төгсөөд, жүжигчин болох хүсэлдээ хөтлөгдөн СУИС-д элсэж, 2004 онд төгссөн байна.
- Түүний ээж маань жүжигчин мэргэжилтэй ч мэргэжлээрээ ажиллаагүй. Тийм болохоор ээжийнхээ мэргэжлийг өвлөсөн гэдэг.
- Сургуулиа төгсөөд ажлын гараагаа “Х-ТҮЦ” продакшнаас эхэлжээ.
- 2006 онд тэрбээр УДЭТ-ын өндөр босгыг давсан байна.
- Теат ажиллах хугацаандаа “Найзууд миний бооцоо”, “Хориотой жүжиг ”, “Хайрын виз”, “Нууц амраг чинь болъё” “Гамлет”, “Лусын дагина”, “Норовын намтар”, “Тэнгэрийн хүү” зэрэг олон жүжгийн дүрүүдэд чадварлаг хувирсан.
- “Лусын дагина” жүжгийн дагины дүрийг бүтээснээрээ “Гэгээн муза” театрын наадмын шилдгээр тодорч байв.
- Театрт тоглосон дүрүүд дундаасаа У.Шекспирийн “Гамлет” жүжгийн Офелиагийн дүрийг хамгийн их уран чадвар шаардсан хэмээн дурдсан байдаг.
- Түүний дэлгэцнээ бүтээсэн хамгийн анхны дүр нь “Чиний эзгүйд” киноны Сэргэлэн охины дүр. Харин түүнийг олон таниулсан дүр нь “Сарны нулимс” олон ангит киноны Цоомоо.
- Дэлгэцнээ ихэвчлэн гэнэн цайлган, сахилгагүй, дурлалт бүсгүйн дүрүүдийг бүтээсэн түүний тоглосон эсрэг дүр нь “Хэнд ч хэлээгүй нууц” киноны Сувдмаагийн дүр аж.
- Т.Хулан жүжигчнээс гадна продюсер, зургийн даргаар давхар ажилладаг. Тодруулбал, нөхрийнхөө үүсгэн байгуулсан “Go adventure” студийн бүтээсэн “Шуугиан таригч”, “ТҮЦ-ний охид”, “Киносутра”, “Эмэгтэйн кейс” зэрэг уран бүтээлүүдэд давхар ажилласан байдаг.
- Түүний хань нэрт жүжигчин Г.Дашхүү агсаны хүү, найруулагч Д.Галбаяр. Тэдний хайрын түүх оюутан ахуй цагаас нь эхлэлтэй.
- Жүжигчин Т.Хулан 2014 онд эрүүл мэндийн шалтгааны улмаас театраа орхисон ч 2021 онд эргэн ирсэн. Ирмэгцээ Б.Брехтийн “Сычуаны сайн хүн” гротеск драмын жүжигт гол дүр бүтээсэн юм.
- Тэрбээр өнөөдрийг хүртэл тайзны 30 шахам уран бүтээл, дэлгэцийн 20 гаруй уран бүтээлийн гол дүрд тоглоод байна.
