Төрийн өмчит үйлдвэрүүд дэх шинэ үеийн түрлэг: Б.Чагнаадорж VS Н.Цэрэнсамбуу

Өчигдөр /2026.05.13/ Засгийн газрын хуралдаанаар “Эрдэнэс Тавантолгой” ХК-ийн захирал Н.Цэрэнсамбууг чөлөөлж түүний оронд Дарханы төмөрлөгийн үйлдвэрийн захирал Б.Чагнаадоржийг сэлгэн томилсон. Хэн хэн нь менежмент, манлайллаараа ялгарч буй шинэ залуу үеийн СЕО нар. Тийм ч учраас сэлгэн томилж, ур чадвар, менежментийг нь монгол төрд ашиглах нь зөв гэж үзсэн бололтой.

Ний нуугүй хэлэхэд төрийн өмчит үйлдвэрийн газрууд ашигтай ажиллаж байсан тохиолдол ховор эсрэгээрээ хулгай зэлгий, хууль бус томилгоо, авилга, албан тушаалын хэрэг газар аваад байсныг алдарт Нүүрсний хэрэг дуулианы үеэс цэгцэлж эхэлсэн. Үр дүн нь ч эхнээсээ гарч ГОК-оос авахуулаад ЭТТ бүр Дарханы төмөрлөгийн үйлдвэр хүртэл урьд өмнө байгаагүй ашигтай ажиллаж эхэлсэн нь сайн томилгоонуудын эффект гэдгийг онцлох ёстой. Н.Цэрэнсамбуу, Б.Чагнаадорж хоёр энэхүү дахин сэргэлтийн үеийн хүчирхэг дүрүүдээр нэрлэгдэж байна.

Б.Чагнаадорж гэж хэн бэ?

Одоогоос хоёр жилийн өмнө / 2024 онд/ Дарханы төмөрлөгийн үйлдвэрийн захирал асан Г.Дугаржав нь төмрийн хүдрийн агуулгыг гааль дээр худал мэдүүлж ашиг олох замаар улсад их хэмжээний хохирол учруулсан гэх хэргээр Авлигатай тэмцэх газраас шалгагдаж ажлаасаа чөлөөлөгдсөн байдаг. Ингээд түүний оронд Б.Чагнаадорж томилогдож байв.

⁃ Түүнийг ажлаа авахад “Дарханы төмөрлөгийн үйлдвэр” ХХК-ийн 1634 ажилтан дунджаар 3,2 сая төгрөгийн цалинтай байсан бол өнөөдөр 6,8 сая төгрөг болж өссөн,

⁃ 2025 онд татварт 82,1 тэрбум төгрөг төлөхөөртөлөвлөснөөс 246,6 тэрбум төгрөг төлж, төлөвлөгөөгөө давуулан биелүүлсэн,

⁃ 33 жилийн туршид нийт 407,8 тэрбум төгрөгийн татвар төлснөөс 60 орчим хувийг зөвхөн 2025 онд бүрдүүлсэн,

⁃ 2025 онд 551,6 тэрбум төгрөгийн орлоготой ажиллахаар төлөвлөсөн нь 593,1 тэрбум болж, 42 тэрбумаар давж биелсэн гэх мэт үзүүлэлтүүд Б.Чагнаадоржийн 2 жилийн үсрэнгүй амжилт болж тэр өнөөдөр алга ташилт, талархал, хүлээлт дунд ЭТТ-н захирлаар томилогдож байна. Бахархууштай!

Б.Чагнаадорж нь “Монголын цахилгаан холбоо” компанийн дэд дарга, "Эрдэнэс Монгол" компанийн Санхүүгийн хэлтэс, "Монголросцветмет" Төрийн өмчит үйлдвэрийн газар гэх мэт төрийн нэлээд хөрөнгөлөг газруудад удирдах алба хашиж байсан.

Хөрөнгө орлогын мэдүүлэг:

- Өөрийн орлого - 102 сая төгрөг /2023 онд"Монголросцветмет" ХХК-нд ажиллаж байхдаа 215 саятөгрөг байсан/

- Гэр бүлийн орлого - 43 сая төгрөг гэж мэдүүлсэн бөгөөд хөрөнгө борлуулсны орлого нь 440 сая төгрөг байна.

- Үл хөдлөх хөрөнгө - 500 сая төгрөг

- Автомашин - 300 сая төгрөгийн "BMW-740" маркийн нэг суудлын жижиг автомашин

- Мал, амьтан - 48 сая төгрөг /35 адуу, нэг хурдан удмын адуу, найман үхэр/

- Үнэт эдлэл - 80 сая төгрөг

- Дотоодын хадгаламж - 73 сая төгрөг

- Хуулийн этгээд - "Ди эл Стандарт" компанид хөрөнгө оруулалт хийсэн байна.

“Эрдэнэс Тавантолгой” ХК-ийн гүйцэтгэх захирлын үүрэг гүйцэтгэгчээр ажиллаж байсан Н.Цэрэнсамбуу гэж хэн бэ?

"Хувийн өмч эзэнтэй. Төрийн өмч эзэнгүй" гэх үг бий. Эзэнгүй учир хүсэл шуналдаа автсан дарга нар улсын хөрөнгөөр дураараа дургиж, авлига албан тушаалын хэрэгт холбогдож дуулиан шуугиан дагуулж байдаг. Үүний нэг тод жишээ нь ЭТТ. Тус компанийг 2012 онд байгуулснаас хойш 6 удаа гүйцэтгэх захирлыг нь сольсон байдаг. Тэдний дийлэнх нь ямар нэг авлига албан тушаалын хэрэгт холбогдсон.

Өөрөөр хэлбэл, ЭТТ компанид ашиггүй шийдвэрүүдийг гаргаж хүний сэтгэлээр хандаж ирсэн байдаг. Ингэснээр Монгол Улсын төлбөрийн тэнцлийн алдагдал нэмэгдэж, валютын нөөц буурсан тул нүүрсний экспорт, валютын орлогыг яаралтай өсгөх шаардлага үүссэн байдаг.

Улмаар 2024 оны долдугаар сарын эхээр “Эрдэнэс Тавантолгой” ХК-д Засгийн газраас онцгой дэглэм тогтоож бүрэн эрхт төлөөлөгчийн баг томилж ажиллуулсан. Тус БЭТ-ийн багийн ахлагчаар У.Бямбасүрэн томилогдсон.

Онцгой дэглэмийн хугацаа 2025 оны 10 сард дууссанаар “Эрдэнэс Тавантолгой” ХК-ийн гүйцэтгэх захирлын үүрэг гүйцэтгэгчээр Н.Цэрэнсамбууг томилж байсан түүхтэй.

Н.Цэрэнсамбуу нь Хүмүүнлэгийн ухааны их сургуулийг компьютерийн программ хангамжаар төгсөж, МУИС-ийг Санхүүгийн магистр зэрэгтэй дүүргэжээ.

Тэрбээр,

⁃ 2022 оны 11-р сараас ЭТТ компанийнХудалдан авах ажиллагааны газрын дарга,

⁃ 2025 оны 10-р сараас эхлэн Гүйцэтгэх захирлын үүрэг гүйцэтгэгчээр томилогдон өнөөдрийг хүртэл ажилласан.

Түүний удирдсан хугацаанд компанийн нүүрсний борлуулалт 1.8 дахин, борлуулалтын орлого1.7 дахин, ачилт 1.8 дахин өссөн үзүүлэлттэй байна. Өөрөөр хэлбэл “Эрдэнэс Тавантолгой” ХК 2022 онд арван хоёр сая тонн нүүрс экспортолдог, оргил үедээ 2019 онд 16 сая тонныг экспортод гаргадаг байсан бол сүүлийн гурван жил экспорт 30 саяд хүрсэн байна.

Мөн Монголын хөрөнгийн биржээр дамжуулсан нүүрсний борлуулалт 6.7 дахин, биржийн ачилт 3.9 дахин, биржийн экспорт 4 дахин нэмэгдсэн амжилттайгаар ажилласан аж.

Ажлын туршлага:

- 2008-2009 он Вебгуру ХХК - Веб програмист;

- 2009-2011 он Интерактив ХХК - Программ хөгжүүлэгч;

- 2011-2012 он Сангийн яам - Мэдээлэл технологихариуцсан зөвлөх;

- 2012-2015 он Худалдан авах ажиллагааны газар - Цахим худалдан авах ажиллагааны хэлтсийн ахлах мэргэжилтэн;

- 2015-2016 он Худалдан авах ажиллагааны газар - Хэлтсийн дарга;

- 2016-2020 он Төрийн өмчийн бодлого, зохицуулалтын газар - Мэдээлэл технологийн албаны дарга;

- 2020-2022 он Худалдан авах ажиллагааны газар - Цахим худалдан авах ажиллагаа, мэдээллийн технологийн хэлтсийн дарга;

- 2022-2025 он "Эрдэнэс Тавантолгой" ХК - Худалданавах ажиллагааны газрын дарга.

Н.Цэрэнсамбуугийн 2024 онд АТГ-т мэдүүлсэн ХОМ-ийг хүргэе.

- Өөрийн орлого 284 сая

- Гэр бүлийн орлого 58.6 сая