Прогноз: С.Баярцогт генсекээ авсан учир Х.Тэмүүжин бүлгийн даргаар томилогдох магадлал өндөр байна
Даваа гарагт УИХ дахь намын бүлгүүд хуралддаг. Өнгөрсөн долоо хоногт Ардчилсан нам энэхүү хуралдаанаараа Бүлгийн даргаа сонгох байсан хэдий ч тодорхойгүй хугацаагаар хойшлогдсон бөгөөд өнөөдрийн хуралдаанаараа Бүлгийн даргаа эцэслэх товтой байна. АН-ын бүлгийн даргад УИХ-ын гишүүн Х.Тэмүүжин, Б.Түвшин нар өрсөлдөж буй.
Х.Тэмүүжингийн тухайд Ардчилсан намын дарга О.Цогтгэрэлийн буюу “Нэг Монгол” фракцийнх харин Б.Түвшин “Гранд Монгол” фракцынх. Тус нам өнгөрсөн долоо хоногт Үндэсний бодлогын хорооны хурлаараа Сангийн сайд асан С.Баярцогтыг Ерөнхий нарийн бичгийн даргад жинхэлсэн. Товчхондоо, АН-д хүчтэй байгаа Гранд Монгол фракцаас генсек томилогдсон гэсэн үг.
Тиймээс О.Цогтгэрэлийн “Нэг Монгол” фракц бүлгээ авах нь шударга тоглолт болох учиртай хэмээн улс төрийн хүрээнд яригдаж байна. Товчхондоо Бүлгийн даргаар УИХ-н гишүүн Х.Тэмүүжин томилогдох магадлал өндөр байна.
