Холливуудын алдарт жүжигчин Николь Кидман 57 нас хүрлээ
Николь Кидман 1967 оны энэ өдөр АНУ-ын Хавайн арлын Хонолулуд төржээ. Угаас австрали гаралтай бөгөөд түүнийг дөрвөн настайд гэр бүлийнхэн нь Австрали руу буцсан байна.
Багадаа бүрэг ичимхий, дуугүй хүүхэд байсан учир эцэг эх нь түүнийг балетын сургуульд явуулжээ. Эндээс тэрбээх урлагт дурлаж, театрын урлагийг судалж, Австралийн "Филип Стрит" театрын залуусын сургалтанд суух болжээ.
Николь 15 настайгаа Австралид зураг авалтанд оролцож эхэлсэн бөгөөд түүний анхны уран бүтээл нь дуучин Пэт Уилсоны “Bop girl” дууны клип байжээ. Ингээд 16 насандаа тэрбээр “BMX Bandits” кинонд тоглосон байна. 1988 онд "Bangkok Hilton", 1989 онд Холливуудын “Dead calm” кинонд тогложээ. Түүнээс хойш түүнд киноны дүрийн санал тасраагүй. 1991 онд Николийн тоглосон “Billy Bathgate” киноны дүр нь түүнд анхны “Алтан бөмбөрцөг” шагналыг авчирчээ. 2003 онд найруулагч Стивен Долдригийн бүтээл “The hours” кинонд Виржиния Вульфын дүрийг бүтээснээрээ тэрбээр шилдэг эмэгтэй дүрийн шагналыг “Оскар”-аас хүртсэн байна.
“Австрали хурга” нэрээрээ анх Холливуудынханд танигдаж, энэ “их айл”-д хөл тавьсан бүсгүй өдгөө 60 гаруй кинонд дүр бүтээж, гурван удаагийн “Алтан бөмбөрцөг”-ийн эзэн, “Оскар”-ын шагналт жүжигчин болжээ.
