Өнөөдөр үзэсгэлэнт дуучин Лана Дел Рейн төрсөн өдөр

Өвөрмөц хоолой, үзэсгэлэнт төрхтэй дуучин Лана Дел Рей өнөөдөр 39 нас хүрч байна. Түүний жинхэнэ нэрийг Элизабет Вүүлриж Грант гэдэг. Тэрбээр 1985 оны энэ өдөр АНУ-ын Нью-Йорк хотод Манхэттэнд төржээ. Тэдний гэр бүл ядуу байсан тул Ланагийн хүүхэд нас автомашины чиргүүлд өнгөрсөн байдаг. Харин сүүлд түүний аав домейн нэрийн бүртгэлийн бизнес эрхэлж, саятан болсон байдаг.  

Лана багаасаа л дуу цөөтэй, ширүүн төрхтэй нэгэн байв. Гэвч дуу дуулах үедээ л өөрийгөө бүрэн илэрхийлж чаддаг байсан тул 11 наснаасаа сүмд дуулах болжээ. Тэрбээр 15 настайгаасаа архинд донтож сургуулиасаа хөөгдсөн бөгөөд албадан эмчилгээнд хамрагдаж, энэ үеэсээ шүлэг бичиж эхэлсэн байна. Өөрийн энэ гунигт өдрүүдээсээ сэдэвлээ алдарт “Born to die” дуугаа бичсэн байдаг.

2011 онд тэрбээр өөрийн “Video games” хэмээх дууг дүрсжүүлж “Youtube” хуудсанд байршуулсан бөгөөд ердөө 2 сарын дотор сая гаран хүн түүний бичлэгийг үзсэнээр Лана хоромхон зуурд алдартай болов. Тухайн үед Лана ямар нэгэн хуурцаг гаргаж, тоглолт хийж байгаагүй боловч 2011 оны онцлох хүнээр тодорч байсан юм.

Лана Дел Рей өдгөө “Грэмми”-гийн 6 удаагийн шагналт, 21-р зууны хамгийн нөлөө бүхий дуу зохиогчдын нэг, бүх цаг үеийн хамгийн шилдэг 200 дуучны нэг, дэлхийн хамгийн нөлөө бүхийг 100 хүний нэг болжээ.