Өмнөд Солонгосын жүжигчин, дуучин И Мин У 37 нас хүрлээ

БНСУ-н алдартай жүжигчдийн нэг И Мин У 1987 оны энэ өдөр Сөүл хотод төржээ. Тэрбээр багаасаа хөлбөмбөг тоглож, тамирчин болохыг хүсдэг байсан ч бага сургуулийн 5-р ангидаа бэртсэний улмаас тамирчин болох мөрөөдөл нь бүтэлгүйтжээ. Улмаар ахлах сургуулийн 2-р ангиасаа жүжиглэх урлагаар хичээллэж эхэлсэн байна. Энэ нь алдарт жүжигчин Леонардо ди Каприогийн шүтэн бишрэгч байсантай нь холбоотой аж. Ингээд тэрбээр их сургуульд кино урлагаар дагнан суралцжээ.

Сонирхуулахад, И Мин У сургуульд орохоосоо өмнө сонин уншсаар байгаад уншиж, бичиж сурчээ. Тэрбээр одоо ч өдөр болгон сонин уншдаг хэвшилтэй гэнэ.

Карьераа загвар өмсөгчөөр эхэлж байсан тэрбээр олон алдартай брэндийн нүүр царайгаар ажиллаж байв. Харин 2002 онд “Romance”, 2005 онд “Recipe of love” цувралд туслах дүрд тоглосноор кино урлагт хөл тавьсан юм. Харин түүний гол дүрд тоглосон анхны уран бүтээл нь 2006 онд дэлгэцнээ гарсан “Secret campus” цуврал.

Тэрбээр жүжигчнээс гадна дуучин. “My everything”, “Song for you”, “The day”, “Always” зэрэг цомогтой.

Тэрбээр өнөөдрийг хүртэл олон ангит 15 уран бүтээл, бүрэн хэмжээний 10-аад уран сайхны киноны зөвхөн гол дүрд тоглосон олон улсын болон дотоодын кино наадмуудад 50 удаа нэр дэвшиж, 27 удаа шилдгээр тодорч байжээ.