Испани Белгийг 2:1 харьцаатай хожиж хагас шигшээд үлдлээ. Хожлын гоолыг нөгөөх л Мерино...

Зарим тоглогчдод чухал мөчид онцгойрох төрөлхийн авьяас байдаг бөгөөд энэ жилийн дэлхийн аваргад тэрхүү чадварыг Микел Мерино төгс харуулж байна. 2026 оны 7-р сарын 11-ний Баасан гарагт Лос Анжелес хотын "SoFi" цэнгэлдэх хүрээлэнд болсон Испани болон Бельгийн шөвгийн наймны тоглолт 2-1 харьцаагаар Армадачуудын ялалтаар өндөрлөлөө. Мерино дахин нэг удаа сэлгээнээс талбайд гарч, тоглолтын төгсгөлд шийдвэрлэх гоолыг оруулснаар багаа хагас шигшээд хөтлөв. Бельгичүүд тоглолтын өмнө болон дундуур ахлагч, мөн үндсэн хаалгачаа гэмтлийн улмаас алдсан ч том гарз байлаа

Гоолууд хэрхэн оров

• 30 дахь минут (Испани 1-0 Бельги): Фабиан Руиз торгуулийн талбай дотроос нарийвчлалтай цохиж гоолдсоноор Ла Роха тэргүүлж эхлэв.
• 45 дахь минут (Испани 1-1 Бельги): Хагас цагийн шүгэл дуугарахын өмнөхөн Чарльз Де Кетеларе гайхалтай мөргөж гоолдсоноор тоглолтын харьцааг тэнцүүлж, Улаан чөтгөрүүдэд урам зориг өгсөн юм.
• 88 дахь минут (Испани 2-1 Бельги): Педригээс ирсэн бөмбөгийг Пау Кубарси хаалга руу цохиход сэлгээний хаалгач Сенне Ламменс хааж чадалгүй алдсан бөгөөд ойрын зайнаас Микел Мерино гүйцэж очин гоол орууллаа.

Мериногийн сэлгээнээс үзүүлсэн баатарлаг тоглолт

Тоглолт маш эгзэгтэй байдалд байх үед Испаничууд 86 дахь минутад сэлгээгээр Микел Мериног талбайд гаргасан. Тэрээр ердөө хоёр минутын дараа хожлын гоолыг оруулсан нь Дэлхийн аваргын хасагдах шатны тоглолтод дараалан сэлгээнээс орж ирж хожлын гоол оруулсан хоёр дахь тохиолдол боллоо. Өмнө нь тэрээр шөвгийн 16-д Португалын эсрэг нэмэлт цагт мөн л гоолдож байсан юм. Энэ нь Испанийн Дэлхийн аваргын түүхэнд сэлгээний тоглогч хасагдах шатны тоглолтод хожлын гоол оруулсан ердөө хоёр дахь тохиолдол болж байна.

Испанийг хэн хүлээж байна вэ?

Испани одоо хагас шигшээд Францтай тоглох бөгөөд энэхүү гайхалтай тоглолт 7-р сарын 14-ний Мягмар гарагт Даллас хотод болно. Францууд долоо хоногийн эхээр Марокког 2-0 харьцаагаар хожсоноор тэмцээний эхний таван тоглолтдоо төгс амжилттай явна. Энэ нь 2024 оны Европын аваргын хагас шигшээ тоглолтын даага нэхэх сонирхолтой тулаан болж байгаа бөгөөд тухайн үед Испани 2-1 харьцаагаар хожиж, улмаар цомыг өргөж байсан билээ. Бельгийн хувьд Лос Анжелест тэмцээн нь өндөрлөж байгаа ч тэдний шөвгийн найм хүртэлх аялал сүүлийн жилүүд дэх Бельгийн хөлбөмбөгийн хамгийн урам зориг өгсөн амжилтуудын нэг болон дурсагдах болно.

Эх сурвалж: espn.com