Өмнөд Солонгосын олимпын медальт тамирчин кинонд алуурчны дүр бүтээхээр болжээ
Өмнөд Солонгосын буудлагын спортын тамирчин Ким Еэ Жи Парисын зуны олимпын наадмаар дэлхийн анхаарлыг татаж, мөнгөн медаль хүртсэн. Тэрбээр өнгөрсөн долдугаар сард Парисын наадмын 10 метрийн хийн гар бууны төрөлд оролцохдоо биеэ авч яваа байдал, өвөрмөц хэв маягаараа олны хараанд өртөж байв. Тэгвэл Ким Еэ Жи жүжигчний замналаа эхлүүлэхээр болжээ. Түүнийг “Asia” нэртэй цуврал бүтээлийн үргэлжлэл болох “Crush” киноны алуурчны дүрд тоглохоор болсныг Asia Lab энтертайнмэнт компани зарласан байна.
Ким Еэ Жи өнгөрсөн наймдугаар сард жүжигчин, моделт болохоор Өмнөд Солонгосын нэг энтертайнмэнт компанитай гэрээ байгуулжээ.
