Багшаасаа өрх тусгаарласан Б.Бат-Энэрэл шинийн 8-нд тоглолтоо хийнэ
Хэвлүүхэн бяцхан дуучин Б.Бат-Энэрэл МУАЖ С.Батсүхийн хайрыг татаж, 2016 оноос эхлэн түүнтэй хамтран дуулж эхэлсэн. Өдгөө 13 настай Б.Бат-Энэрэл Ардын жүжигчинтэй хамтран дуулахаа болиод жил гаруй хугацааг үдэж буй. Учир нь багш нь Б.Бат-Энэрэлийг бэлтэй бяцхан дуучнаар сольж, "баян" бэрийнхээ охиныг гарын шавиа болгон авсан. Багшдаа "хаягдсан Б.Бат-Энэрэл харин жил гаруй хугацаанд бие даан уран бүтээл хийж, өдгөө 18 дуутай болжээ.
Түүний ээж хүүгийнхээ жолооч, менежер гээд бүхий л ажлыг амжуулдаг бөгөөд хүү бяцхан дуучин А.Санчирмаатай хамтран ирэх хоёрдугаар сарын 17 буюу шинийн 8-нд "Талархал" тоглолтоо хийхээр болжээ.
