"Баавгай болохсон" киноны нээлт энэ сарын 12-нд болно
“Баавгай болохсон” кино олон нийтийн дунд нэгэнт хүлээлт үүсгээд байна. Найруулагч П.Золжаргал уран бүтээлчийн эрмэлзлийн хувиар Монгол дахь нээлтээ ихээр чухалчилсан.
Амжилтын хувьд бол Каннын кино наадмын улаан хивсэн дээр алхаж, орон орны фестивалиудаас өндөр үнэлгээ аваад буй. Гэвч чухам энэ нээлтийг П.Золжаргал найруулагч яагаад онцлов оо.
Намар, “Улаанбаатар” олон улсын кино наадмаар эхний монгол үзэгчид “Баавгай болохсон”-той танилцсан юм. “Тэнгис” кино театрын танхим дүүрэн алга ташилт долоон минут орчим үргэлжлэв. “Энэ киног монголчууд маань л хурдан үзээсэй” гэсэн хүлээлтийн ард П.Золжаргалын хэлсэн үг санаанд орж байлаа.
Тэрбээр “Киногоо ид хөхөө өвлийн хүйтнээр нээнэ. Өвлийн хүйтний хүнд, хэцүү нөхцөл байдалд үйл явдал маань өрнөдөг. Бас киногоо монголчуудаа үзээсэй гэж зориулж хийсэн. Тийм болохоор Монгол дахь нээлт маань маш чухал” гэж дурдсан юм.
Энэхүү нээлт энэ долоо хоногт буюу нэгдүгээр сарын 12-нд болох гэж байна.
