Дэлхийн супер одууд монголчуудтай уулзахад 2 хоног үлдлээ

К-поп ертөнцийн кинг Taeyang болоод хүчирхэг хоолойтой Ailee нар монголчуудтай уулзаж, уран бүтээлээ хүргэхэд хоёр хоног үлдлээ. Жил бүр БНСУ-ын нэр хүндтэй уран бүтээлчдийг урьж, тоглолт зохион байгуулж буй Evandis энтертэйнментын “Super concert 2025” шоу тоглолт 2025 оны зургадугаар сарын 21-нд Улаанбаатар хотын Төв цэнгэлдэх хүрээлэнд болох юм.

Тоглолтын супер оролцогчид болох Taeyang “Eyes, Nose, Lips”, “Wedding Dress”, “VIBE” зэрэг дуунуудаа сонордуулахаас гадна хамтлагийн хэд хэдэн дууг дуулахаа зарласан. Харин Ailee-гийн хувьд “Heaven”, “I Will Show You”, “U&I” зэрэг хит дуунуудаасаа гадна сүүлийн үеийн цомогтоо багтсан дуунуудаа ч хүргэх юм. Үүнээс гадна дэлхийд алдартай солонгос DJ болох DJ Seon, DJ Yedee, DJ Ella нар хүрэлцэн ирж буй.

Тэд бол к-попын эхлэлийн гол төлөөлөгчид

Манай оронд одоогийнх шиг k-pop давалгаа төдийлөн сайн дэлгэрээгүй байхад H.O.T, Super junior, Girl’s generation, 2NE1, BIgbang зэрэг хамтлагууд шуугиан дэгдээж байв. Тэд бол дэлхийн нийтийг кпоп урсгалд дурлахад нөлөөлсөн топ одууд. Тиймдээ ч сүүлийн үед дэлхийн luxury зэрэглэлийн брэндүүд нүүр царай, амбассадороор дээрх оддыг сонгож, тэр хэрээр борлуулалт, нэр хүндээ өсгөдөг болсон.

Тэгвэл сүүлийн жилүүдэд манай улсыг зорин ирэх Өмнөд Солонгосын уран бүтээлчдийн тоо нэмэгдэж, тэр хэрээр хоёр орны аялал жуулчлал улам бүр өргөжсөөр буй.

Тухайлбал Солонгос, Монголын хамтарсан хамгийн анхны албан ёсны Evandis энтертэйнментын урилгаар өнгөрсөн удаад Ким Хён Жүн, Bloo, Mc Sniper, дуучин, жүжигчин Жон Жи Хүн буюу Rain, 2ne1 хамтлагийн гишүүн Сандара Пак буюу Дара нар “Super Concert” тоглолтод уран бүтээлээ хүргэсэн юм. Энэ мэт хөгжмийн салбарын томоохон арга хэмжээ нь тухайн зохион байгуулж буй орон болон хотдоо эдийн засаг, аялал жуулчлал, нэр хүндийн хувьд ч маш чухал нөлөөтэй. Энэ удаад Bigbang хамтлагийн дуучин Taeyang, дуучин Ailee нар ирж буй нь Монгол улс дэлхийн одуудын дунд энэ хэмжээний нөлөөтэй буйгийн илрэл биз ээ.   Цаашлаад дэлхийг шуугиулж буй Blackpink, BTS зэрэг одууд ч ирэхийг үгүйсгэхгүй.

Тасалбар худалдаалах албан ёсны линк: https://shoppy.mn/products/superconcert-250621