Монгол үсчид дэлхийн аваргын Гранпри Алтан цомын эзэн болжээ

Дэлхийн үс засалт, гоо сайхны аварга шалгаруулах OMC Hairworld Europe cup Европын аварга 2025 болж монгол баг тамирчид амжилт ялалтаараа бахархаж буй мөч. Энэхүү дэлхийн аваргын олимпоос “Одонгоо” салоны мастер үсчин Г.Ганцоож 2 алт, нэг мөнгөн медаль авч, манай үсчид багаараа Гранпри Алтан цомын эзэн болжээ.

Оддын үсчин Д.Одонгоо гавьяатын шавь нар амжилт ялалтаараа үргэлж нэр алдраа цуурайтуулж байдаг. Монгол залуус дэлхийд нэр алдраа салбар бүрт цуурайтуулж буй бөгөөд үйлчилгээний салбарынхан амжилт ялалтаараа салбартаа л бахархахаас олон нийт мэдэхгүй өнгөрдөг талтай. Хөдөлмөр бүхэн сайхан. Энэхүү нэр хүндтэй тэмцээнд Монгол Улсын үсчид өндөр амжилт гаргаж дэлхийд өндөр үнэлгээтэй байдаг үсчний мэргэжлийн алдрыг эх орондоо өндөрт өргөх үйлст жинтэй хувь нэмэр оруулсан үйл явдал боллоо. 27 жилийн түүхтэй “Одонгоо” салоны хамт олонд баяр хүргэе.