The MongolZ баг анх удаа "HLTV"-ийн чансааг тэргүүлж, дэлхийн №1 баг боллоо

Цахим спортын "CS2" төрөлд дэлхийн чансааг тодорхойлдог HLTV жагсаалтаа өчигдөр / 2025.09.29/ албан ёсоор шинэчилжээ. 

Уг жагсаалтад дэлхийн чансаанд Монголын “The MongolZ” баг №1 байр эзэлж, түүхэн амжилт бүтээлээ.

Ингэснээр “The MongolZ” нь Монгол төдийгүй Ази тивийн анхны баг болж, дэлхийн шилдгүүдийг ардаа орхин Counter-Strike-ийн чансааг тэргүүлж байна. Тэд нийт 896 оноогоор жагсаалтыг тэргүүлсэн бол удаах байруудад:

• #2 Vitality (Европ) – 880 оноо

• #3 MOUZ (Европ) – 600 оноо

• #4 Spirit (Орос) – 577 оноо

• #5 FURIA (Бразил) – 500 оноо тус тус эрэмбэлэгджээ.

“The MongolZ” багийн тоглогчид сүүлийн саруудад олон улсын томоохон тэмцээнд дараалан амжилт гаргаж, ийнхүү дэлхийн чансааг тэргүүлж байна. Энэ бол Монголын eSports-ын түүхэнд томоохон шинэ хуудас нээсэн үйл явдал болж байна.