Бүх цаг үеийн шилдэг тоглогчийн нэг ЛеБрон Жэймс зодог тайлах уу
ЛеБрон Жэймс Даваа гаригт "Second Decision" буюу "Хоёр дахь шийдвэр" гэх нэртэй богино бичлэгээ "Бүх шийдвэрүүдийн шийдвэр" гэх тайлбартайгаар олон нийтэд цацлаа. Харин бүтэн бичлэгээ аравдугаар сарын 7-ны Мягмар гаригт хүргэхээр цахим хуудастаа зарлав.
ЛеБрон Жэймс 2010 онд Клевланд Кавальерс багийг орхиж, Майами Хит руу очихдоо "The Decision" гэх нэвтрүүлгээ цацаж, явж буйгаа зарласан түүхтэй. Тэгвэл энэ удаад хоёр дахь шийдвэр нь зодог тайлах гэж буйгаа зарлах уу гэж олон нийт таамаглаж байна.
Леброн гэж хэн бэ?
- 4 аварга, 4 MVP
Тогтвортой байдал: 20 гаруй улирал дараалан дээд түвшинд тоглож байгаа. 39 настай ч дундаж нь 25+оноо хэвээр байна.
Хөрвөх чадвар: Аль ч байрлалд тоглож чаддаг, оноо авалт, дамжуулалт, хамгаалалт бүгдийг хийдэг “бүхнийг чаддаг” тоглогч.
Статистик амжилт: NBA-ийн бүх цаг үеийн хамгийн олон оноо авсан тоглогч болсон.
Багийн нөлөө: Тэр очсон багууд бүгд аваргын төлөө өрсөлдөгч болдог (Cavs, Heat, Lakers).
Олон эрин дамнасан амжилт: 2000-аад, 2010-аад, 2020-аад онуудад бүгдэд нь шилдэг тоглогчдын тоонд байсан.
