"The MongolZ" дахин "PGL Major Copenhagen"-д оролцох эрхээ авлаа
CS2-ын дэлхийн аварга шалгаруулах тэмцээн гэж болохуйц "PGL Major Copenhagen 2024"-ын эрхийн төлөөх Ази тивийн урьдчилсан шатны тэмцээн "Asia-Pacific RMR" Хятадын Шанхай хотод үргэлжилж буй. Тэмцээний сүүлийн өдөр Монголын TheMongolz баг major-т оролцох эхний эрхийн төлөө Хятадын хүчирхэг "Lynn Vision" багтай тоглож, эрхээ авч чадлаа.
Шанхай хотод үргэлжилж буй тус тэмцээний эхний Мэйжорын эрхийг Ази, Номхон далайн бүсийн тэргүүн баг "Монголын "The MongolZ" баг авлаа.
Нийт 1,250,000 ам.долларын шагналын сантай тус Мэйжор тэмцээн ирэх гуравдугаар сарын 17-31-ний өдрүүдэд Данийн Копенхаген хотноо болно. Тус тэмцээнд Ази тивээс хоёр баг оролцох боломжтой юм. Хэрэв "Атокс" баг өнөөдрийн тоглолтдоо хожвол CS2-ын "PGL Major Copenhagen 2024"-т Ази тивийг төлөөлж Монголын хоёр баг өрсөлдөх нь.
