ФОТО: БНСУ-ын А зэрэглэлийн одуудын тансаг зэрэглэлийн костьюм хийдэг "Suit fabric"-ынхан Монголд
Монголын ноолуурын зах зээлийг эзэгнэсэн, цор ганц дахин давтагдашгүй ноолууран тансаглал бүтээдэг МУГЖ У.Уранчимэгийн дүү У.Уранзаяа дахин шинэ түүхийн хуудас нээлээ. Энэ удаад "Nolur cashmere", “Ханбогд кашемир”-ынхан БНСУ-ын №1 ёслол, хүндэтгэлийн захиалгат хувцасны “Suit fabric” компанитай хамтран Loro Piana, Ermenegildo Zegna, Scabal, Colombo, Marling Evans зэрэг ультра лакшри ангиллын даавуугаар хийгдэх костюм, Loro Piana брэндийн кашемиран пальтог захиалгаар хийлгэх VIP үйлчилгээг нэвтрүүлээд байна.
Энэ ажлын хүрээнд БНСУ-ын №1 ёслол, хүндэтгэлийн захиалгат хувцасны “Suit fabric” компанийн үүсгэн байгуулагчид болоод улсдаа домог болсон мастер тэйлор Жэйдон Пакын хамт Монголд ирээд байна. Гурван компанийн хамтын ажиллагаа эхэлсэнтэй холбогдуулан Монголд ердөө гурван хоног болох Trunk show буюу цаг авч костюм захиалах арга хэмжээг зохион байгуулж буй.
БНСУ-ын А зэрэглэлийн одуудад тусгайлан тансаг зэрэглэлийн костьюм урладгаараа алдартай "Suit fabric" компанийн үүсгэн байгуулагчид нь Ким Тае Гүн, Ким Тае Вүү гэх 2 ихэр залуу бий. Ким Тае Гүн захирал костюм урлал, салон талаа хариуцдаг бол Ким Тае Вүү захирал өндөр зэрэглэлийн даавууны брэндүүдийн албан ёсны дистрибютер бөгөөд даавууны сонголт талаа хариуцдаг байна. Өдгөө 42 настай, ганц бие тэд зөвхөн өөрсдийн "Suit fabric" төдийгүй Солонгос даяарх оёдлын салон ательед Европын шилдэг даавуунуудыг нийлүүлдэг амжилттай бизнесменүүд юм.
Түүнчлэн гарын үсэг зурах арга хэмжээний үеэр мастер тэйлор Жэйдон Пакын Монгол дахь анхны үйлчлүүлэгч нь УДЭТ-ын захирал Н.Наранбаатар болов. Жэйдон Пакын тухайд энэ салбартаа хийгээд хүний биеийн хэмжээ авдаг чиглэлээр 25 жил ажиллаж байгаа бөгөөд алхаж байгаа хүнийг хараад л биеийн хэмжээг нь авч чаддаг ур чадвартай болсноороо алдаршжээ.
