ФОТО: Английн Outdoor брэнд Barbour албан ёсны эрхтэйгээр Монголд дэлгүүрээ нээлээ!

1894 онд Английн Саут Шилдс хотод үүсгэн байгуулагдсан Barbour брэнд нь зуун гаруй жилийн түүх, уламжлалаараа дэлхийд танигдсан Британийн нэр хүндтэй брэндүүдийн нэг билээ.

Анх далайчид, загасчдад зориулсан бат бөх, цаг агаарт тэсвэртэй хувцас үйлдвэрлэж эхэлсэн тус брэнд нь өнөөдөр практик хэрэглээ, дээд зэргийн ур хийц, даруухан атлаа эрхэмсэг хэв маягийн бэлгэ тэмдэг болон хөгжсөн байна. Тэгвэл уг брэндтэй Монгол улсад "Ханбогд кашимер ХХК" албан ёсны эрхтэйгээр хамтран ажиллахаар болж, Barbour брэнд Улаанбаатар хотод үүд хаалгаа нээлээ.

Нээлтэд "Ханбогд кашимер" ХХК-ийн үүсгэн байгуулагч Ч.Ганцэцэг, Улаанбаатар дахь Британийн Элчин сайдын яамны дэд тэргүүн Софи Уорралд тэргүүтэй хүмүүс оролцлоо. 

Ингэснээр Монголын хэрэглэгчид Британийн энэхүү өв уламжлалт брэндийг илүү ойроос мэдэрч, эрэгтэй, эмэгтэй гадуур хувцас болон lifestyle ангиллын сонгомол коллекцуудтай танилцах боломж бүрдэж байна. Barbour-ийн бүтээгдэхүүн бүр нь олон жилийн турш хуримтлуулсан туршлага, нарийн хийц, өндөр чанарын стандартыг шингээсэн байдаг. Тус брэндийн философи нь энгийн атлаа утга төгөлдөр, уламжлал ба шинэчлэл зэрэгцэн орших.

Иймээс Barbour нь цаг хугацаанд үл захирагдах загвар, найдвартай чанар, удаан эдэлгээг эрхэмлэж, хэрэглэгчдэд зөвхөн хувцас бус үнэ цэн, өв соёлыг түгээсээр ирсэн байдаг. Монголын зах зээлд нэвтэрснээр Barbour нь Британийн сонгодог хэв маягийг орон нутгийн амьдралын хэв маягтай уялдуулан, шинэ үеийн хэрэглэгчдэд зориулсан утга учиртай, үнэ цэн бүхий сонголтыг бий болгох зорилготой байгаа аж.