Х.Нямбаатар: Нийслэлийн хэвлэлийн ажилтан Саранцэцэгийг пейжид мэдээ өгсөн гээд 48 цаг саатуулжээ. Энэ улс хуультай шүү. Хүн хэлмэгдүүлэхгүй байх хуультай
Нийслэлийн Хэвлэл мэдээлэл, олон нийттэй харилцах албаны ажилтан Б.С-ийн гэрт нэгжлэг хийж, баривчилсан талаар бид өмнө мэдээлсэн. Тэгвэл энэ талаар Хотын дарга асан Х.Нямбаатар өөрийн цахим хуудаснаа "Жинхэнэ троллууд эрчтэйгээр дайрч байнадаа. Би ажлаа өгчихлөө. Сонгуулийн ялалтаа булаалгалаа. Араас заавал чулуу шидэцгээгээд байвал үзэхээс. Нийслэлийн хэвлэлийн ажилтан Саранцэцэгийг пейжид мэдээ өгсөн гээд 48 цаг саатуулжээ. Иргэн Нямдаваагийн гомдлоор Эрүүгийн хуулийн хакердах зүйл ангиар шалгаж байна. Энэ улс хуультай шүү. Эрүүгийн хуулийг төсөөтэй хэрэглэж хүн хэлмэгдүүлэхгүй байх хуультай. Жинхэнэ троллуудад яг адил хууль үйлчлэх ёстой шүү" гэжээ.
