Тэйлор Свифт тэрбумтан болжээ
Америкийн поп од Тэйлор Свифт дэлхийн тэрбумтнуудын жагсаалтад албан ёсоор багтахаар болжээ.
Тэрбээр "Форбс" сэтгүүлээс гаргасан шинэ жагсаалтад $1.1 тэрбумын хөрөнгөөр багтсан байна. Тэйлор Свифттэй цуг хиймэл оюуны технологийн OpenAI компанийн гүйцэтгэх захирал Сэм Олтмэн $1 тэрбумын хөрөнгөөр жагсаалтад шинээр орсон байна. Жагсаалтыг Францын LVMH группийн эзэн Бернар Арно $233 тэрбумын хөрөнгөөр тэргүүлжээ.
Тэйлор Свифтийн гаргасан “1989” цомог нь өнгөрсөн онд борлуулалтаараа тэргүүлсэн. Мөн Грэммийн шагналын оны шилдэг цомгийн эзнээр дөрвөн удаа тодорсон анхны уран бүтээлч болсон юм.
