Улаанбаатар хотноо энэ цаг үеийн дэлхийн шилдэг бүжигчдийн тоглолт болно

“World Ballet and Dance Grand Prix Mongolia -2024” дэлхийд алдартай олон улсын бүжигчдийн тэмцээнийг анх удаа Монгол Улсад Улаанбаатар хотноо 2024 оны 4-р сарын 22-29-ны өдрүүдэд Соёлын төв өргөөнд зохион байгуулна.

Монгол Улсад анх удаа зохиох энэхүү тэмцээнд ОХУ, Казакстан, АНУ, Солонгос, Монгол, Хятад, Филиппин зэрэг дэлхийд алдартай олон улсын шилдэг бүжигчид оролцох бөгөөд хаалтын “Гала” тоглолт 2024 оны 4 дүгээр сарын 29-ний өдрийн 19:00 цагт Соёлын төв өргөөнд болно.

“Гала” тоглолтод Казакстан Улсын “Астана” театрын тэргүүн гоцлооч, дэлхийн шилдэг бүжигчин Бахтияар Адамжан, ОХУ-ын Русский балет театрын тэргүүн гоцлооч, дэлхийн од Сиори Фукуда, ОХУ-ын “Красноярск” бүжгийн чуулгын гоцлол бүжигчин Александр Ляпин, Филиппин улсын “DPP Dance” театрын захирал Мариахао, Филиппин улсын “DPP Dance” театрын бүжиг дэглээч, гоцлооч Акира Лидиа Абао зэрэг бүжгийн урлагийн дэлхийн хэмжээний одууд оролцоно.

Тэмцээнд амжилттай оролцогчдод дараах олон улсын нэр хүндтэй сургуулиудын тэтгэлэг олгохоос гадна мөнгөн шагнал олгох юм.

1. “Dallas Conservatory” сургуульд 10.000 ам.доллартай тэнцэх 100% тэтгэлгийг нэг эрэгтэй оролцогчид
2. “Dallas Conservatory” сургуульд 6.400 евротой тэнцэх 20% тэтгэлгийг хоёр оролцогчид
3. “Ballet school of Belgium” сургуульд 5.000 ам.доллартай тэнцэх 50% тэтгэлгийг хоёр оролцогчид
4. “Novosibirsk” сургуульд нэг оролцогчид шалгалтгүй суралцах эрх
5. “World Ballet and Dance Grand Prix” тэмцээний үүсгэн байгуулагч Пак Жае Кын өөрийн нэрэмжит 1.000 ам.долларын шагналыг тэмцээний шилдэг оролцогчид гардуулна.
6. “Korea International Ballet Competition” тэмцээний хураамжийн 300 ам.доллараас чөлөөлөх эрхийн бичиг
7.  “World Ballet and Dance Grand Prix Italy” тэмцээнд оролцох хураамжийн 300 ам.доллараас чөлөөлөх эрхийн бичиг
8.   “World Ballet and Dance Grand Prix  New York” тэмцээнд оролцох хураамжийн 300 ам.доллараас чөлөөлөх эрхийн бичиг
9. “Seoul Ballet Company” –д 3 долоо хоногийн турш аялан тоглолт хийх эрхийн бичиг зөвхөн нэг оролцогчид олгох бөгөөд аялалын замын зардал, зочид буудлын төлбөрийг тус компаниас хариуцаж БНСУ-ын цалингийн нөхцөлөөр хөдөлмөрийн хөлс тооцох юм. Энэхүү эрхийг зөвхөн нэг оролцогчид олгоно.

“World Ballet and Dance Grand Prix Mongolia -2024” арга хэмжээний хүрээнд дараах тоглолтууд зохионо

Та бүхэн дэлхийд алдартай бүжигчдын авьяас чадвараа сорьсон тэмцээнийг үзэж, дэлхийн одуудыг дэргэдээс нь харахыг хүсвэл TICKET.MN сайтаас тоглолтын тасалбарыг худалдан аваарай.

Тэмцээний нээлтийн тоглолт 2024 оны 4 дүгээр сарын 22-ны 19:00 цагт Соёлын төв өргөөнд болох бөгөөд Үндэсний урлагын их театр, Улаанбаатар театр, “Номадик продакшн”, Монгол Улсын Консерватори, Хатан чуулга, G river балет студи болон олон улсын бүжигчид оролцоно.

Сонгодог урлагийн тэмцээн 2024 оны 4 дүгээр сарын 23, 24, 25 –ны өдрүүдэд Соёлын төв өргөөнд 15:00, 19:00 цагуудад болно.

Этник болон контемпорари бүжгийн тэмцээн 2024 оны 4 дүгээр сарын 26, 27, 28-ны өдрүүдэд Соёлын төв өргөөнд 15:00, 19:00 цагуудад болно.

Хаалтын “Гала” тоглолт: 2024 оны 4 дүгээр сарын 29-ний өдрийн 19:00 цагт тэмцээний шилдэгүүд болох энэ цаг үеийн дэлхийн шилдэг бүжигчдийн тоглолт Соёлын төв өргөөнд болно.