О.Энх-Эрдэнэ бие даасан тоглолтоо хийнэ

"Авьяаслаг монголчууд" шоунаас төрөн гарсан уран бүтээлч О.Энх-Эрдэнэ уянгалаг хоолойгоороо дэлхий нийтийг шуугиулаад амжсан. Тэрбээр "Авьяслаг Америкчууд" шоунд оролцож, хагас шигшээд шалгарсан нь түүний ур чадвар дэлхийд үнэлэгдэх бахдам авьяастай гэдгээ харуулсан биз ээ. Даруухан төрхөөрөө охид, бүсгүйчүүдийн хайрыг татаж, уяраадаг тэрбээр ирэх тавдугаар сарын 4-нд анхны бие даасан тоглолтоо хийхээр зэхжээ. 

Үргэлж ковер дуу дуулдаг хэмээн шүүмжлэл дагуулдаг О.Энх-Эрдэнэ өнгөрсөн онд анхны бие даасан цомгоо "Амьдрал баян" нэрээр гаргаж байв. Тэгвэл тоглолтынх нь нэр ч мөн "Амьдрал баян" гэх нэртэй аж.

Анхны цомог, анхны бие даасан тоглолтоор ямар дууг амилуулж, шинэ ямар бүтээл хийсэн нь олны анхаарлыг ихэд татаж байгаа сурагтай.