Реппер Andre 3000 энэ өдөр төржээ
Америкийн реппер, жүжигчин Андре Лорен Бенжамин буюу Андре 3000 1975 онд Жиоржиа мужийн Атланта хотод төржээ. Түүний бага нас адал явдлаар дүүрэн өнгөрсөн гэдэг. Тэрбээр байнга л олны анхаарлын төвд байдаг, бүх зүйлд идэвхтэй хүү байв. Ахлах ангиасаа хийл хөгжим сонирхон, тоглодог болжээ. Тэрбээр бараг л ярилцлага бүртээ ээж нь түүнийг ухаалаг, хүнлэг хүн болгож өсгөхийн тулд өөрийгөө золиослон үнэхээр их хичээн хөдөлмөрлөсөн тухай дурддаг.
Ахлах сургуульдаа буюу 1992 онд тэрбээр Antwan André Patton буюу Big Boi-той танилцсанаар алдарт “Outkast” хамтлагаа байгуулах үндэс болжээ. “OutKast” хамтлагийн “Hey Ya!” дууг сонссоогүй хүн бараг үгүй гэхэд хилсдэхгүй. Тус дууг 2009 оны есдүгээр сарын 9-нд цацаж байв. Энэ дуу нь бүх цаг үеийн шилдэг 500 дуунд багтдаг. Тухайн үед Америкт баруун болон зүүн эргүүдийн хооронд хип хоп урсгалын уран бүтээлчид зөвхөн уран бүтээлийн өрсөлдөөн бус мөргөлдөөн хүртэл гардаг байв. Харин өмнөд муж болох Атланта хотоос гаралтай “Outkast “хамтлаг “Hey Ya!” дуугаараа хүчтэй гарч ирснээр баруун болон зүүн эргийн тэмцэл намжсан гэж үздэг.
Andre 3000 нь реппер төдийгүй жүжигчин. Тэрбээр “Hollywood homicide”, “Scary movie-4”, “Jimi: All is by my side”, “White noise” 30-аад уран сайхны болон намтарчилсан, баримтат кинонд тогложээ. Түүнчлэн тэрбээр 2008 оноос хувцасны загварын салбарт хөл тавьсан бөгөөд “Benjamin Bixby” гэх брэндтэй.
