"The Mongolz" баг "MESA Nomadic masters" тэмцээнд түрүүлж, 50,000 ам.долларын шагнал авлаа
MESA (Mongolian esports association) буюу Монголын электрон спортын холбооноос зохиож буй CS2 (Counter strike 2)-ын 100 мянган ам.долларын шагналын сантай "MESA Nomadic masters 2024" тэмцээний финалын тоглолтууд "Мөсөн өргөө"-д боллоо.
Тэмцээний гранд финалд Монголын "The Mongolz" баг Европын төлөөлөл "BLEED Esports" багийг 3-1 (Anubis 10-13, Mirage 13-10, Ancient 13-11, Inferno 13-11) харьцаагаар хожиж, 50 мянган ам.долларын (169 сая төгрөг) шагнал авлаа.
Тоглолтод "The MongolZ"-ын Мөнхболдын "SENZU" Азбаяр 85.1 ADR-тай багаа тэргүүлсэн бол Банзрагчийн "910" Өсөхбаяр хамгийн олон буюу 73 kill хийв.
Монголд зохиогдож буй CS2-ын хамгийн өндөр шагналын сантай уг тэмцээнд Монголын гурав, Хятадын нэг, Оросын нэг, Данийн нэг, европын өөр хоёр орны баг оролцжээ.
