Холливуудын алдарт жүжигчин Жонни Депп 61 нас хүрлээ
Жон Кристофор Депп 1963 оны энэ өдөр АНУ-ын Кентаки мужид төржээ. 1980-аад онд тэрбээр “21 jump street” телевикийн цувралаараа тухайн үеийн хүүхдийн киноны од болж байв.
16 настайдаа тэрбээр сургуулиасаа хөөгдөж байжээ. Шалтгаан нь дургүйг нь хүргэсэн багшийнхаа өөдөөс өмдөө тайлаад, өгзгөө харуулчихсан аж.
Нэр алдарт хүрч, жүжигчин болохоосоо өмнө Депп утасны оператор хийж, үзэг зардаг байсан гэдэг. “Хайчин гарт Эдвард”, “Карибын тэнгисийн дээрэмчид” цуврал кино, “Чарли ба шоколадны үйлдвэр”, “Алиса гайхамшгийн оронд” гэхчилэн кино ертөнцөд хувьсгал хийсэн гайхалтай бүтээлүүдийн гол дүрийг бүтээсэн тэрбээр шүтэн бишрэгчдэдээ гарын үсгээ зурж өгөхөөс хэзээ ч татгалзаж байгаагүй гэнэ.
Түүний болзож явсан бараг бүх бүсгүйчүүд олны танил, үзэсгэлэнтэй, алдартай. Вайнона Райдер, Кейт Мосс, Женнифер Грей зэрэг бүсгүйчүүдтэй харилцаа тогтоож, тэр бүртээ үргэлж асуудалд ордог байжээ. Хамгийн сүүлд гэхэд л эхнэр Амбео Хердтойгоо шүүхдэлдэж, “эмэгтэй хүнтэй маргалдаж ялалт байгуулсан дэлхийн анхны эр”-ээр тодроод буй.
Америкийн алдарт “Форбес” сэтгүүлээс түүнийг хамгийн нэр хүндтэй, өндөр үнэлгээтэй жүжигчдийн нэгээр нэрлэсэн байдаг ч тэрбээр өнөөдрийг хүртэл “Оскар"-ын гурван ч удаа нэр дэвшсэн ч нэг ч гардаагүй.
