"Монгол хан" жүжгийн их хатны дүрийг А.Баярцэцэг бүтээнэ

"Херо" Б.Баатарын шинэчлэн найруулсан "Тамгагүй төр" жүжиг 2024 онд багагүй дуулиан дэгдээж буй. Жүжигчдийн бүрэлдэхүүн, тайз дэлгэцийн найруулга, хувцас хэрэглэл, нүсэр бүтэц гээд жүжгийн бүхий л зүйл олны анхааралд байж, Англи улсад хүртэл тоглоод амжсан. Тэгвэл ирэх сараас эхлэн Сингапур улсад тоглохоор болсон тус жүжгийн их хатны дүрийг жүжигчин, мисс А.Баярцэцэг бүтээхээр болжээ. Тус жүжгийн Цэцэр хатны дүрийг анх 1998 онд МУСТА Б.Болормаа, 2008 онд МУГЖ Б.Нармандах, 2022 онд МУГЖ У.Уранчимэг нар тус тус амилуулж байв. Тэгвэл энэ удаад А.Баярцэцэг англи хэл дээр тоглох гэнэ. Түүний хувьд уг жүжгийн продюсерээр ажиллаж байв. Үүгээр ч зогсохгүй "Херо" Б.Баатартай хүзүү сээрээ холбосон гэх бор шувуу олны дунд нисэж байсан удаатай. Тиймдээ ч их хатны дүр төвөггүйхэн оноогдсон гэлцэх шум олны дунд тархжээ. Ямартай ч чадварлаг жүжигчдийн бүтээсэн Цэцэр хатны дүрийг мисс бүсгүй хэрхэн амилуулах бол.