АН-ын МҮДН фракци Хөгжлийн банкыг тэр чигээр нь авсан уу?
Найман жил гудамжинд лааз өшиглөсөн АН-ынхан сая нэг юм нар үзэж, Засагт багтсан биш угийн савандаа багтдаггүй фракцуудынх нь “зодоон” албан тушаал, томилгооны төлөө цусаа үзэж байгаа юм байх. Хамгийн сүүлд гэхэд МҮДН-ынхан Хөгжлийн банкинд бүхэл бүтэн 15 хүнээ “шахаж” азаргалсан нь гал дээр тос нэмжээ.
Ерөөс МҮДН-ынхан гэж ядарч явахад намынхаа төлөө хуруугаа ч хөдөлгөдөггүй хэрнээ ялсан цагт аль өнгөтэй өөдтэй томилгоог авах гэж дайрдаг АН-ын хамгийн увайгүй фракц гэгддэг.
“Фортуна” Н.Батбаяр, “молекул” Б.Батбаяр, Н.Мэдрээ, Р.Амаржаргал, “Ажнай” Д.Бат-Эрдэнэ, Б.Гарамгайбаатар, Дондогдоржийн Эрдэнэбат зэрэг хөрөнгө чинээтэй, эдийн засагч, банкирууд тус фракцийг бүрдүүлдэг. Ажил хийх болохоор аргалын хойно нуугдчихаад албан тушаалын томилгоо хийх болохоор арзайтал босоод ирдэг тэд энэ удаад сурсан зангаараа Хөгжлийн банкийг тэр чигээр нь авсан гэх яриа ч газар авсан байна. Хэрэв энэ үнэн бол Лу.Гантөмөр яагаад ганц фракцид давуу эрх олгох болов гэдэг асуулт гарч ирнэ. Ардчилсан нам гэдэг дан ганц МҮДН биш байлтай.
