Дуучин Насаа ажлын байрны бэлгийн дарамтанд өртөж, Улсын филармонио хаяжээ
Зууны манлай дуучин, поп хатагтай Б.Сарантуяагийн шавь гэдгээр нь дуучин Л.Насанбуяныг хүмүүс андахгүй сайн мэднэ. СУИС-ыг төгссөн цагаасаа эхлээд Улсын филармонийн гоцлол дуучнаар 13 жил ажилласан тэрбээр өнгөрсөн долоо хоногт ажлаасаа халагдсан талаар мэдэгдэв.
Харин өчигдөр /2024.01.23/ ажлаасаа чухам яагаад чөлөөлөгдсөн гэдгээ дэлгэлээ. Энэ талаар Л.Насанбуян ярихдаа "Үнэнийг хэлэх цаг нь болжээ. Би хохирсон ч надаас хойшхи охид эмэгтэйчүүд битгий хохироосой. Үнэний төлөө би цаашдаа хүчтэй байна аа. Миний төлөө гэсэн эцэг эх минь, найз нөхөд минь, та нар минь байна" гэв.
