Дизайнер Д.Отгонжаргал: “Та нартай заргалдана шүү!”
“О кутюр” шоугаараа олонд танигдсан дизайнер Д.Отгонжаргал ууртай байна. Түүний дээл, хувцасны загвараас хулгайлагчид бүсгүйн бухимдлыг барж байна. Тэрээр, “Одоо бүүр болиорой та нар. Дээл мээл дуурайлгаад хийж байх шиг. Жижигхээн санаа авч болох ч бүүр яг таг дуурайгаад хийчихсэн ч байх шиг. заргалдана шүү! Өөрсдөө сэтгээд хийчих л дээ. Есөн жил дээл хийхдээ давхар зах, унждаг бүс, эмжээрний сувдан ирмэг гээд манайх л анх хийж байсан гоё санаанууд. Гэтэл одоо бүгд л ижилхэн урт унжлага,давхар зах, сувдан ирмэг байх шиг. Одоо боль оо” гэжээ.
Гэвч түүнтэй санал зөрөх хүмүүс бас байна. Би анх хийсэн гэж маргах нь ч байна. Хуулсаар, хулгайлсаар ч өнөөг хүрсэн. Хувцас загварт тэр тусмаа дээлэнд ямар оюуны өмч байх биш! Тахиа анхдагч уу, өндөг анхдагч уу гэдэг асуулттай л ижил юм даа.
