Экс Ерөнхий сайд Ч.Сайханбилэгийн гэргий О.Байгалийн 1 өдрийн хувцаслалт 50,000 доллар!
Манай сайт үнэтэй цүнхний цуглуулгаараа толгой цохидог Монголын чинээлэг, брэндлэг хатагтай нарыг танилцуулж байгаа. Энэ удаад бид Ерөнхий сайд асан Ч.Сайханбилэгийн гэргий О.Байгалийг дурандлаа.
Монгол Улсын 28 дахь Ерөнхий сайд Ч.Сайханбилэгийн гэргий хатагтай О.Байгал жүжигчин мэргэжилтэй, Монголын сайхан бүсгүй өргөмжлөлтэй, хувьдаа гоо сайхны салон, өөрийн нэрийн Байгал үнэт эдлэлийн брэнд, Шангрилад бууриа зассан 2 ч брэндийн дэлгүүртэй утгаараа дээдсийн хүрээний luxury хатагтай нарын нэг.
Тэрээр Америкт нөхрөө даган амьдарч байхдаа манюкур, педикурын чиглэлээр суралцаж, улмаар 2004 оны УИХ-ын сонгуулийн өмнөхөн эх орондоо ирмэгцээ “Baigal beauty and spa” гоо сайхны салонаа тухайн үеийн хамгийн трэнд хотхон Голомтод нээж, бизнесийн гараагаа эхлүүлсэн түүхтэй.
Тансаг зэрэглэлийн мөнгөтэй хүмүүст зориулсан гоо сайхны бизнесээ 10 гаруй жил ажиллуулсны эцэст нөхөр Ч.Сайханбилэгээ Ерөнхий сайдаар ажиллах үетэй давхацан Зайсанд алмазны дэлгүүр нээн ажиллуулсан, хөрөнгийнх нь эх үүсвэр ЖДҮ-ийг дэмжих сангаас авсан 1 тэрбум төгрөгийн хөнгөлттэй зээл байсан хэмээх баримт ч яригддаг. Ямартай өдгөө бидний мэдэж байгаачлан тэрээр үнэт эдлэлийн Baigal нэрийн брэндтэй, нэг бүрийнх үнэ дунджаар 10-20 саяар үнэлэгдэх цагаан алт, цэвэр алмаз, байгалийн цэвэр шүр, номин зэрэг үнэт эрдэнийн чулуугаар урлах үнэт эдлэлүүдээр нь чухамдаа баячуудын охид, эхнэрүүд л гоёж гооддог.
Улмаар 2018 онд дэлхийн хамгийн үнэтэй 10 брэндийн нэгд тооцогддог Италийн алдарт Valentino брэндийн Монгол дахь салбар дэлгүүрийг Шангрила моллд нээсэн нь өнөөдрийг хүртэл ажилласаар байна. Valentino-гоос гадна Balmain, Max mara зэрэг дэлхийн үнэтэй брэндийн бэлэн хувцас худалдаалдаг Baigal дэлгүүрийнхээ нээлтийн үеэр О.Байгал хатагтай 3,300 ам.долларын үнэтэй Valentino-гийн гал улаан даашинзаар гоёсон нь тухайн үедээ олон нийтийн сүлжээнд нэлээдгүй хэл ам дагуулж байв. Эр нөхөр нь төрийн өндөр албан тушаал хашсаар ирсэн учраас эхнэрийнх нь өндөр өртөгтэй бизнесээс гадна өөрийнх нь өндөр үнэтэй хувцас сэлт олон нийтийн нүд чихэнд ерийн биш тансаглал мэтээр хүрэх нь аргагүй.
Өдгөө О.Байгал хатагтайн брэндийн дэлгүүр мөн л дэлхийн luxury брэндүүдийн нэг Max Mara-гаар хүрээгээ тэлж, ахин нэг дэлгүүр Шангрилад үүд хаалгаа нээгээд буй. Монголын баячуудыг дэлхийн брэндүүдээр булж, гоёдог О.Байгал хатагтай өөрөө ямархан хэмжээний ганган шаавай, брэндлэг нэгэн байх нь ойлгомжтой биз ээ.
Түүний өдөр тутамдаа өмсдөг Valentino гэхэд улаан хивсэн дээр тун чиг алдартай. Дан хатан хаан, алдартнууд гоёдог тус брэндийн гутал гэхэд дунджаар $3000, цүнх нь $5000, даашинз нь загвар, хийц, материалаасаа хамаараад $3000-$200,000 үнэтэй.
“Baigal” брэндийн цагаан алт, байгалийн цэвэр шүр, номин зэрэг үнэт эрдэнийн чулууны нэг бүрийн үнэ нь дунджаар 1-20 саяар үнэлэгдэх жишээний. Үнэт эдлэлээс гадна “Baigal” нэрийн аяга шаазан, сувинер ч зах зээл нийлүүлдэг. Max mara, Balmain брэндийн хувцас хэрэглэл, гоёл зүүсгэлүүд $1000-$20,000 үнэтэй гээд тооцвол О.Байгаль хатагтайн нэг өдрийн хувцаслалтын гутал, цүнх, үнэт эдлэлийг тооцвол өлхөөн 50 мянган ам.доллар давж байна.
Нэмээд Hermes Birkin, Сhanel, LV, Dior-ийн цүнх ёоз дүүзээрээ бий. Ингээд бодвол Монголын хамгийн баян, хамгийн тансаг хэрэглээтэй, хамгийн ганган хээнцэр бүсгүйгээр О.Байгаль хатагтай МАК-ын гүнж Н.Цэлмүүнтэй ана мана өрсөлдөх нь.
