Танилц: 2$ сая долларын цуглуулгатай Монголын жьюлири гүнж Л.Гэгээ!
Тэртээ 2020 онд “Говь” брэндийн ишиг тэвэрсэн рекламны зургаараа эх орондоо танигдаж байсан энэ хатагтайг Л.Гончигсумлаа гэдэг. Модель Гэгээ нэрээрээ илүү алдартай тэрээр дараахан нь Италийн алмааз, үнэт эдлэлийн брэнд Damiani-гийн брэнд амбасадороор тодорч, Шангрилагийн орой дээр бүтэн жил заларсан. Монголдоо бол ийм 2 төслөөр танигдсан түүний жинхэнэ алдар цуу эх орондоо гэхээсээ илүү олон улсад, ялангуяа Сингапурын high fashion ертөнцөд хэдийнэ хүлээн зөвшөөрөгджээ. Хоёр жишээ дурдъя.
- Чухам энэ өдрүүдэд тэрээр Сингапурын биллбоардын жагсаалтад нэлээн дээгүүр жагсаж буй тансаг зэрэглэлийн үслэг арьсан хэтэвч, гар цүнхний Adrian Furstenburg брэндийн нүүр царайгаар сонгогдож, зураг авалтад орж буйгаа инстаграмдаа хуваалцжээ.
- 100 жилийн түүхтэй Италийн Damiani брэнд нүүр царайгаараа Гэгээг сонгосон нь санамсаргүй явдал биш гэнэ. Мэдээж монгол модель тус брэндийн нүүр царайгаар сонгогдсон нь анхны тохиолдол. Хамгийн гол нь Гэгээ Дамиани брэндийн хамгийн үнэтэй цуглуулгуудын нэг 400 мянган ам.долларын үнэ бүхий очир эрдэнийн зүүлтийг эдэлж хэрэглэдэг байна. Өөрөөр хэлбэл угийн амбиц өндөртэй Дамиана зүгээр нэг монгол модель биш чухамдаа брэнд, трэндийг утгаар нь эдэлж хэрэглэдэг модель сонгосон нь хатагтай Гэгээ юм байх.
Угаас тэрээр дэлхийн үнэт эдлэлийн luxury брэндүүд болох Cartier, Van Cleef, Rolex-ын багадаа 30 мянган ам.доллараас эхлэх үнэт эдлэл, цаг тэргүүтнээр гангараад зогсохгүй цуглуулдаг баячуудын нэг аж. Зөвхөн үнэт эдлэлийнх нь цуглуулга 2 сая ам.доллараар хэмжигддэг тухай дээдсийн хүрээнд шивэр авирхийдэг байна.
Ер нь дэлхийн төдийгүй Монголын хөрөнгөтнүүд цүнхний үеэ дуусгаж цаг, үнэт эдлэлд ач холбогдол өгч, дээдсийн хүрээнийхний ранк, үнэ цэнэ чухамдаа үнэт эдлэлийнх нь цуглуулга, budget-аар тодорхойлогддог болсон гэнэ. Эл ранкаар Монголын хөрөнгөтнүүдийг эрэмбэлэвэл нэгт алдарт МАК-ын гүнж Н.Цэлмүүн, хоёрт Л.Гэгээ, гурав, дөрөвт Le Beautique салоны эзэн баян Бямбаагийн охин Деси буюу Б.Даваасүрэн, “Ажигана” Э.Туул нар жагсдаг аж.
Тэгвэл Монголын хөрөнгөтнүүдийн жагсаалтад гэнэт орж ирсэн Л.Гончигсумлаа буюу Гэгээ гэж хэн бэ?
Сингапурын "Diva Models" агентлагт харьяалагддаг олон улсад гарсан Монголын цөөн загвар өмсөгчдийн нэг тэрээр бага насаа Солонгост өнгөрүүлсэн, эдийн засагч мэргэжилтэй. Эртний түүх сөхвөл 20-иодхон настайдаа Английн лордтой сууж, салалтаасаа 2 сая долларын гэрээний төлбөр авсан хэмээн хэвлэлүүд шуугиж байсан.
Түүнчлэн“Гончигсумлаа” гэх сантай, сангаараа дамжуулан гэр хороололд худаг барих, хүүхэд багачууд руу чиглэсэн сургалт явуулдаг гэх мэт тал бүрийн өнцөгтэй, хамгийн гол нь Монголоосоо хальж олон улсад үнэлэгдэж чадсан шинэ үеийн цөөн залуусын нэг аж.
