Б.Батцэцэглэн 3 удаа тоглолт хийгээд МУГЖ ...
Э.Чулуунчимэгийг Хөдөлмөрийн гавъяаны улаан тугийн одон авахад гайхсан хүмүүс Б.Батцэцэглэнг авахад бүр их гайхлаа. Арга ч үгүй дээ, Б.Батцэцэглэн ердөө 3 удаа тоглолт хийсний нэг нь Б.Алтанжаргалтай хамтарсан тоглолт.
Хажууд нь Э.Чулуунчимэг 10 бие даасан тоглолт хийж, дээр нь 21 аймгаар тойрч тоглосон байдаг. Өөрөө дээлээ оёж өмсдөг, морь унадаг, өв соёл тээгч хэмээн олон нийт лайк харамлахгүй дарж байгаа л даа, Б.Батцэцэглэнд. Тэрээр 2022 оноос сошиал медиадаа анхаарч, ач холбогдол өгөх болсон, Төрийн соёрхолт Д.Болдтой хамтарч дуулсан хоёр нь л түүнд илүү их оноо авчирсан болов уу.
Тэд 2024 оны Үндэсний их баяр наадмын нээлтэнд дуулсан билээ. Ийн хэл ам ихтэй гавьяат жүжигчин болсон Б.Батцэцэглэн сая наадмаар айлуудын гэр хэсэж дуулсан нь МУГЖ цолоо хүндэлсэнгүй гэж олон нийт жиг жугхийхэд хүргэнэ лээ. Урлагийн хүн шиг биеэ авч явж зориулалтын тайз, хөгжимтэй дуулах нь урлагаа хүндлэх нэг хэлбэр гэдэг өнцгөөсөө зөв шүүмжлэл.
Ер нь ч тэгээд гавьяат гэдэг цолны шалгуур, стандарт шалаар нэг болчихсон ч нийгэм л дээ. Гэвч нэгэнт авсан алдраа нэр төртэйхөн үүрч дүүрч явахыг хичээх нь зүйн хэрэг юм. Өөрөө өөртөө дээл хувцас оёж өмсдөг, үс гэзгээ арчилж гооддог, гэртээ хийцтэй цай чанаж уун боорцог хайрдаг болгон өв соёл тээгч, гавьяа зүтгэл юм гээд байвал олон монгол эмэгтэй гавьяат болно доо. Lifestyle, мэргэжлийн байх гэдэг зүйлс хоорондоо тэс өөр ойлголт юм.
