С.Бямбацогт туслах бүсгүйгээ СДМЗХ-ны УЗ-д “шургуулсан” шинэ трэнд
Социал Демократ Монголын Залуучуудын Холбоо буюу хуучнаар НАМЗХ, анхны Ерөнхийлөгч нь өнөөгийн Монгол Улсын Ерөнхийлөгч У.Хүрэлсүх, УИХ-ын гишүүн Ч.Доржхандын хадам аав “Монро Импекс”-ийн У.Уламбаяр агсан нарын томчууд байсан, үе үеийн Ерөнхийлөгч, Ерөнхий сайдууд төрөн гарсан “ах” намын залуучуудын байгууллага. Нэг үе баян айлын бандгар бацаанууд өв залгамжлагчид аятай НАМЗХ-д элсэн ордог байв. Сү.Батболдын хүү Б.Баттүшиг, Н.Энхбаярын хүү Э.Батшугар, “Магнай трейд”-ийн Г.Дашням, одоогийн нөлөөтэй улстөрч, сайд Н.Учрал, экс Ерөнхий сайд Л.Оюун-Эрдэнэ ч эндхийн кадр. Ийм нөлөө бүхий намын байгууллагад С.Бямбацогт сайд өөрийн туслах бүсгүй П.Тамираа Удирдах Зөвлөлд нь оруулжээ. Эндээс үзвэл хэн нэгэн улстөрч туслахаа, хэн нэгний авгай хүүхэн ч юм уу шүд байхгүй бол буйлаараа гэдэг шиг жараахайнууд өдөр өнждөг газар болсон ч юм шиг.
Ерөнхийлөгчийн зөвлөх мисс Б.Бадамцэцэг мөн тус байгууллагын хурал хуйд сууж гэрэлд цохиулж яваа. Эдэн дундаас чухам яагаад С.Бямбацогтын туслах бүсгүй нүдэнд өртөөд байна гэхээр Батлан хамгаалах яамны “эрх муужгай” хэмээн алдаршсан энэ залуу бүсгүй таалагдаагүй бүхнээ тавлаж, тавилга сэлтээ хүртэл өөрийн дураар өөрчилж явсан, бүр цаашилбал саяхан болсон мөнгөн аяганы онигооны эзэн нь юм.
Сайд С.Бямбацогт 50 нас хүрэхэд заншил ёсоор яамнаасаа мөнгөн аяга авах ёстой байсан. Гэхдээ сошиалд хэл ам гарангуут аваагүй гэж мэдэгдэж байв. Харин туслах бүсгүй нь сайдынхаа өмнөөс “Миний мөнгөн аяга хаана байна” гэсэн гэж байгаа юм. Ордны тамхины цэгт иймэрхүү бүсгүйчүүдийн онигоо хурдан тарахыг ч хэлэх үү.
МАН багийн ажиллагаа, залгамж халаагаа бэлдэхдээ сайн. Тэдний нэг нь П.Тамир бүсгүй байж болох ч нөгөө талаараа сайдын эрх муужгай байсан гэдэг имиж нь муу нэрийг хусавч арилахгүй гэгчээр сэвтэй юм даа. Бусдаар бол СДМЗХ үйл ажиллагаа нь жигдэрч, тэнд шударгаар хөдөлмөрлөж яваа олон залуус бий. Энэ мэтчилэн тооноор гэнэтхэн Удирдах зөвлөлд мөнгө цохиж орж ирэх туслах нэртэй нөхдүүд тоон дотор үсэг юм гэсэн санаа.
Нэг бяцхан туслахаас болж нийтээрээ муухай харагдах нь хаашаа ч юм, гэхдээ энэ мэт жишиг тогтвол яана. Гэснээс сайд С.Бямбацогт маань нас нэмж ухаан суухын оронд залуу тэнэг хөгшин тэнэг болдог гэдэг шиг алхам хийчихэв үү дээ.
