Ж.Дамдинцэрэн: Э.Цэнд-Аюуш хэдэн зуун сая төгрөг идчихээд 6 саяар торгуулаад өнгөрнө гэж байхгүй!
Шинэ хуучин дарга нарын маргаан ойрын өдрүүдэд анхаарал татаж байна. Э.Цэнд-Аюуш 2019 оны зургадугаар сарын 5-нд Нийслэлийн соёл урлагийн газрын даргаар ажиллаж байсан Ж.Дамдинцэрэнгийн дараа Соёл, урлагийн газрын даргын албан үүргийг түр орлон гүйцэтгэгчээртомилогдсон байдаг. Ирэн очин явсан хоёр дарга 2018 оны гуравдугаар сараас 2021 оны нэгдүгээр сар хүртэл Э.Цэнд-Аюуш тус байгууллагад Урлагийн хэлтсийн даргаар ажиллаж байгаад хэрэгт холбогдсон.
Харин Ж.Дамдинцэрэн нь Нийслэлийн Соёл урлагийн газрын даргаар 2016 онд томилогдож, 2022 онд албан тушаалаасаа чөлөөлөгдсөн юм. Анхан шатны шүүхээс 6 сая төгрөгийн торгох ял болон нийтийн албан тушаалд томилогдох эрхээ 2.6 жилээр хасуулсан Нийслэлийн Соёл урлагийн газрын дарга асан Э.Цэнд-Аюуш албан тушаал дэвшиж, Засгийн газрын хэрэгжүүлэгч агентлаг Соёл урлагийн газарт томилогдсон байдаг.
Хэрэг явдлыг эргэн сануулбал Нийслэлийн Соёл урлагийн газрын дарга асан Э.Цэнд-Аюуш нь Нийслэлийн Соёл урлагийн газрын Урлагийн хэлтсийн даргаар ажиллаж байхад П.Отгонбаатар, Э.Мөнхбаясгалан нар нь МҮОНРТ-ийн бэлтгэсэн контентыг өөрсдөө хийсэн мэтээр хуурамч бичиг, тайлан гаргаж, нийслэлийн төсөвт 108,9 сая төгрөгийн хохирол учруулсан гэх хэрэгт холбогдсон байдаг. Энэ талаар Төрийн соёрхолт, Хөдөлмөрийн баатар, Монгол Улсын Ардын жүжигчин, хөгжмийн зохиолч Н.Жанцанноровын Ж.Дамдинцэрэн шүгэл үлээгээд байгаа юм.
Тэрээр сошиал хуудсандаа: “ За нэг нөхрийг жинхэнээсээ өөрөө оролцож байж зайлуулахгүй бол сүүлдээ өөрийнхөө хийсэн хэргийг над руу чихэх нь... Уул нь за яахав дээ шорон оронд явчихвал төвөг гээд уужуу зан гаргаад байсан юмсан! Хүүхдүүдийг нь бодсон юм л даа зайлуул! Одоо битгий давраад байгаарай л гэж хэлье дээ!!! Юм ойлгохгүй, дээр нь хийсэн жанхуугаа дуугай гудраад байж чадахгүй ингэж эргүүтээд байгаа бол өдий болтол хууль хүчний холбогдох газруудад өгөөгүй байсан бүх юмаа өөрөө аваачиж өгье дөө!!!
Мөн хэвлэл мэдээллийнхэнд баримттай яг юу болсон, үзүүлээд байгаа баримт нь яг ямар учиртай, ямар аалзны тор хийж хажуудах найз нөхдөө хорлож, ашиглаж, хэнтэй үгсэн хуйвалдаж яаж залилан, мөнгө угаах гэмт хэрэг хийснийг нь үзүүлээд, зарлаад өгье! Хүмүүс сонсоод тэнэг биш бол ойлгох биз ээ! Анхан болон давж заалдах шатанд гэм буруутай гээд тогтоочихсон, одоо дээд шат нь болох гэж байгаа биз! Наад Дээд шатны шүүх дээр чинь би өөрийн биеэр гэрчээр орох хүсэлт гаргаж байгаад очиж чамаас ял асууя даа!
Эргүү дагз вэ за яахав гээд байхад!!! Хэдэн зуун сая төгрөг Төрийн мөнгөнөөс идчихээд 6 саяар торгуулаад зүгээр өнгөрнө гэж байхгүй шүү!!! Дээр нь Увертюра хамтлагтай Европоор аялан тоглолтоор нь дагаж далбаганаж явахдаа нэг гадаад эмэгтэйд хүч хэрэглэж юу юу болсныг чинь мэдээд л байгаа! Амьд гэрч нь тэр улсаас чинь ирчихсэн Монголд амьдарч байгаа эмэгтэй бий шүү!!!
Яаж өдий болтол албан тушаал хашаад, хэний хойноос хутга зоогоод, хэнтэй нийлж сүүлийн хэдэн жил Соёл, урлагийн салбарыг маань самарч, мөнгө угааж, хутган завааруулж байгааг чинь өөрийн биеэр эцсийг нь хүртэл зарлаж, ялыг чинь асуухаас өөр зам үлдээгүй бололтой!!! Удахгүй уулзъя! Э.Цэнд-Аюуш” гэжээ.
