Т.Бат-Оргил 54 насандаа “Алдарт аав” боллоо
Төрийн шагналт АЖ Н.Сувдын хүү Т.Бат-Оргил улс төрд одгүй ч хүүхний тэнгэртэй эр. Бурхан хүнд бүх зүйлийг тэгш заяадаггүй шударга л даа. Алдартай эмээ ээжийн хүү улс төрд ч бас гялалзвал алтан дунджууд дунд өндөр босго болж орхих байлаа.
Т.Бат-Оргил элит гэр бүлээс гаралтай, боловсрол нь дажгүй сайн. Өөрийгөө сэхээтэн гэж шуудхан хэлж орхидог. Монголдоо МУИС, АНУ-д Жэймс Мэдисоны Их сургууль төгсөж Төрийн удирдлагаар магистр хийсэн тэрбээр аль 1995 оноос Хууль зүйн яамнаас ажлын гараагаа эхэлсэн байдаг. Ашигт малтмалын хэрэг эрхлэх газар, Оюу Толгойд дарга байсан намтартай түүнийг ард түмэн яагаад ч юм таалаагүй.
ХҮНнамын хөөрхөн нь болж байгаад 2020 онд бие даан нэр дэвшсэн ч бас л амжилтгүй. Үүний дараа 2 дахь амьдралдаа цэг тавьж, экс найз бүсгүйгээсээ өгч байсан морь мэлхий гэх мэт дурсгалын зүйлсээ буцааж авахаар нэхсэн нь сэхээтний хувьд сонин жигтэй үйлдэл байв. Ингээд тэдний хайрын үлгэр дууссан ч Т.Бат-Оргилын жигүүртнээс дээгүүр дахин үлгэр эхэлж хэнз үрийн зулай үнэрлэн аз жаргалтай 54 насаа гоёж чадлаа. Охидын зүрхийг зүсэгч Монголын сайхан залуу ийм бүсгүйтэй амьдралаа холбожээ.
Хань нь сошиалаар үе үе магтсан үгс унагаж хамтдаа байгаа зургаа нийтэлж орхисон ч Т.Бат-Оргил бяцхан үрийнхээ зургаас бусдаар бүсгүйгээ ил гаргаагүй байсан юм. Энэ удаад харин ил гаргалаа. Тэрээр “Энэ бүсгүй бол өөрөө намайг сонгосон л гэдэг юм. Гэвч үнэндээ бурхан намайг сайн хүн байх гэж удтал мэрийсэний минь төлөө шагнаж бэлэг болгож илгээсэн юм.
Чи бэлгэнд ирснээ мэдэх үү, хайраа?!” гэжээ. Анхны амьдралаа хоёр хүүхэдтэй эгчмэд бүсгүйтэй эхлүүлж дуулиантай салсан ч тэрбээр үр хүүхдүүдээсээ холбоогоо таслаагүй гэдгээ ч байнга хэлж илэрхийлж ирсэн. Сонгуулийн үеэр хүүхдүүд нь аавтайгаа зургаа авахуулан найрсаг харагддаг. Ингэхэд ямар хүнийг сэхээтэн гээд байна вэ гэдэг дээр Т.Бат-Оргил өөрөө ийн тодорхойлсон байна билээ. Баян эсвэл дан ганц эрдэмтэй хүн сэхээтэн биш. Нэгдүгээрт, бусдыг хайрлах сэтгэлтэй, хоёрдугаарт эрдэм мэдлэгтэй, гуравдугаарт сэхээтэн хүн зоригтой байх ёстой гэжээ.
Сэхээтний амьдрал ийнхүү өрнөж байна. Манай ард түмэн ер нь салж нийлдэг хүмүүст дурамжхан юм шиг. Биеэ засаагүй гэрээ засаагүй хүн төр барих ч дээ гэж цэхэлздэг бололтой шүү. Бас хэт алдартай гэр бүлийн дараа үеийг улс төрдөө авах дургүй байж ч болох.
