T-ARA хамтлагтай Монголоос тулах царайлагууд: “Гала”, модель О.Билгүүн
Гаднаас гоё сайхан охид хүүхнүүд ирэхэд тосдог ганц өнгөтэй өөдтэй залуу нь модель О.Билгүүн болсон юм уу даа. Монголын загварын 7 хоногт ирсэн гадны нэртэй агентлагийнхныг тэр тосон англиар дуржигнуулсан бол өчигдөр T-ARA хамтлаг ирэхэд загварын дээлтэй сувенир хийлээ. О.Билгүүн давуу тал нь солонгос хэлтэй. Гадна дотны хэн ч харсан нуруулаг царайлгаараа нүд дүүрэн О.Билгүүн “Азийн супер стар модель” шүү дээ.
T-ARA тоглолтоо хийхэд өөр нэг монголоос барьж буй сюрприз нь 20 жилийн дараа уран бүтээлдээ эргэн орсон “Гала” хамтлаг. Миалж доёолсон ч гандан буурахгүй гоё сайхнаараа гайхуулж байгаа хоёр тоглолтын пиарын хамгийн өнгөлөг видео “Гала” хамтлагийнхных байлаа. Ану Болороо хоёр дуулна ч бүжиглэнэ чиг. Нэг тоглолтын хувцаслалт нь л 20 сая давдаг гэлцэх юм билээ.
T-ARA дэлхийн од хамтлаг. Нэг гишүүн нь хөлөө хугалсан суга таягтай ирсэн ч гэсэн үзүүлээд өгөх нь тодорхой. Манайхан аль байдгаа урдаа барьж байна. Стадионы тоглолтуудын чанарт МУГЖ Т.Ариунаа update хийх гэж оролдсон. Араас нь П.Баярцэнгэл ч муугүй байлаа. Маргааш хөгжим нь битгий гацаасай, үзэгчид нь дүүрээсэй. Соёлтой шоудаарай манайхаан. Улсын нэр нүүр гарна шүү.
