Хуримын ордны “сувенир” Ү.Оюунзулын бухимдал

Гоё ганган зураг шахсан шигээ өдөр өнжүүлэхдээ сувенир хийж суудаг МАН-ын жижигхэн дарга бүсгүйчүүд том амбицтай. Байсгээд сошиалд хуурай агсам тавьж байдаг юм. Ү.Оюунзул өмнө нь Үндэсний цэцэрлэгт хүрээлэнг даргалж байсан бөгөөд КФС-д газраа зарсан шуугиан хэсэг гараад намжсан. Тэгвэл Хуримын ордны газраас М-Си-Эсд зарсан гэх мэдээлэл цацагдаж эхэллээ. Тэрбээр энэ талаараа ихэд уурсан хариу тайлбар бичжээ.

Ү.Оюунзул: Хотын төвд байрладаг, дээр нь энэ улсын хамгийн сайхан энергитэй, эерэг газар мөртөө 50 жил болоход дорвитой засвар, шинэчлэл хийгээгүй БАЛГАС болох дөхсөн байшингаа гадна доторгүй засаж, янзалж эхэлсэн нь үнэн.

Гэрлэх ёслолын ордны гадна талбайн тохижилт, засварын ажлаа эхлүүлсэн гэж албан ёсоор мэдээлсэн биз дээ … Юун газар зарсан энэ тэр болоод явчив … Надад газар зарах байтугай, томхон чулуу хөдөлгөх ч эрх мэдэл байдаггүй шүү !

Өмнө нь хийж байсан ажилтай холбож доромжлох гэж, гутаах гэж хүний өөрийнгүй их оролдох юмаа. Ажаа нарын тараасан ховоор сүүлийн хэдэн жил гүтгүүлж, доромжлуулж байгаа нь үнэн. “Үйлийн үр хаалга андуурдаггүй” учраас бүх зүйл цаг хугацаа өнгөрөх тусам тодорно.

ҮЦХ-г хэн зах болгож, хэн цэгцэлснийг мэдэх нь мэднээ, тайлбарлах шаардлагагүй. Тэр хашаа гээд их бичиж байгаа харагдах юм. Хашаалаагүй байсан бол ҮЦХ-д одоо дуртай нь хувийн хороолол, хаусаа босгоод тарвалзаж хэвтэнэ шүү. Хууль, дүрмээрээ ч хашаал гээд тусгасан байдаг. Тэгээд ч тэр ажил 4 тэрбум биш 1,7 хавьцаа тэрбумын нийслэлийн хөрөнгө оруулалтаар хийгдэж байсан санагдана. 2014 онд Ерөнхий төлөвлөгөөгөөр батлагдсан ажил, надад хамаагүй, миний шийдвэр биш !

Би бол дуусаж байгаа биш эхэлж байгаа ажил, амьдралтай залуу хүн. Тиймээс хууль зөрчиж, төр түмний эсрэг юм хийхгүй гэдгийг итгэлтэй хэлье гэжээ.