Э.Алдар уурандаа кино хийж “бярдав”
“Фантастик”-ийн эсрэг дүрийн оргилыг барьдаг Э.Алдар хэрэндээ чамгүй олон фентэй. Тэрбээр гэв гэнэтхэн “Тэг цэг үйлдэл” киноныхоо нээлтийг хийж олныг сандаргаад авлаа. Ямартаа л урлагийн найзууд нь урилга ирсэн ирээгүй дээр талцаж очих эсэхдээ эргэлзэн сандрах вэ дээ.
“Фантастик”-ийн хамтрагчдаас нь найруулагч Б.Тамир ганцаараа ирж төлөв томоотой юм үзсэн насны эр хүн гэдгээ харууллаа. Бусад нь ирээгүй. Чухам хэнтэй нь маргасныг мэдэхгүй ч эрчүүд манай бүсгүйчүүдээс шартай гомдомхой мууддаг болжээ. Гэхдээ гоё нь уурандаа кино хийчихнэ гэдэг супер л гэе. “МАСК”-ын Ганзо харин хамтлагийнхантайгаа нуур нугас шиг ах нар нь ирж баяр хүргэж байна билээ.
Тоглоом ч юм шиг шоглоом ч юм шиг сошиалаар бие биенийгээ егөөдөн тэр энэ блоконд одоо болтол гаргаагүй гэлцэн “Фантастик”-ийн залуус үе үе маазардаг. Наргианы 80 хувь үнээн гэж. Э.Алдар бие даасан кино, нэвтрүүлэгт олон тоглосон чадварлаг жүжигчин.
Царайгаараа, биеэрээ, жүжигчнээсээ бусад бүх юмаараа товойдог дүр арай гэж авдаг залуустай харьцуулашгүй. Тэгэхлээр кино урлагт гал гарч магадгүй л юм байна. Шартай залуу нас юм даа.
