"Single’s Inferno" шоуны арлын цаадах амьдрал
БНСУ болон Netflix-ийн хамтын бүтээл болох дэлхий даяар алдаршсан хосоо олох "Single’s Inferno" шоуны 5 дахь улирал удахгүй гарах гэж буй. Тэгвэл үүнтэй холбогдуулан өмнөх улирлуудын онцлох оролцогчдын сонин хачин мэдээллүүдийг хүргэж байна.
Нэгдүгээр улиралд оролцсон Чой Си-хун алдарт дуудчин Ailee-тэй хуримлав
Энэ мэдээний эхэнд дурьдахгүй байж болохгүй хүн бол 1-р улирлын оролцогч, дуучин Ailee-тэй хуримласан Choi Si‐hun юм. Choi Si-hun “Single’s Inferno”-д оролцож олонд танигдсан бөгөөд Ailee-тэй үерхэж буй харилцаагаа 2023 оны гуравдугаар сард олон нийтэд зарлаж байжээ. Хосууд өнгөрсөн 2025 онд Gangnam дүүрэгт найз нөхөд, гэр бүлийнхнийхээ хүрээнд хуримын ёслол үйлдсэн юм. Ailee хуримын амлалтаа уншихдаа нөхрөө үргэлж дэмжиж, халамжтай эхнэр байхыг амласан бол, Choi Si-hun хайр, хүндлэлээ илэрхийлсэн байна.
Хуримын ёслолд Lee Mu-jin, Baek Ji-young нар дуулж, Mighty Mouth хөгжмийн шоу үзүүлжээ. Хуриманд олон одууд, YouTube-ийн алдартнууд, нөлөө бүхий хүмүүс оролцож, хосуудын ирээдүйд аз жаргал хүссэн байна.
Гурван залууг араасаа гүйлгэсэн youtuber од, beauty influencer Сон Жи А сошиал ертөнцдөө эргэн ирлээ
Singles Inferno-1 шоуны оролцогч, 20 настай гоо сайхны нөлөө бүхий influencer Song Ji-a эрэгтэй оролцогчдыг байлдан дагуулж байв. Тэр анх шоуны эхлэлд алхаж орж ирэхдээ л үзэгчдийн анхаарлыг татаад зогсохгүй, өөрийн биеийн хэлэмжээрээ байлдан дагуулаад амжсан. Улмаар хурдан хугацаанд алдаршиж, загварлаг, жинхэнэ “it girl” болоод байлаа. Шоу гарч эхлээд 2022 оны нэгдүгээр сарын эхний долоо хоног нь түүний алдар нэрийн оргил үе байсан гэж хэлэхэд буруудахгүй. Гэвч интернэт хэрэглэгчид түүнийг брэндийн хуурамч хувцас өмссөн байгааг анзаарсан байна. Ялангуяа зөөлөн ягаан Chanel цамцнаас хуурамч хувцасных нь асуудал эхэлжээ.
Song Ji-a хуурамч хувцас өмссөнөө хүлээн зөвшөөрсөн ч, тэдгээр нь хуурамч гэдгийг мэдээгүй, зөвхөн “гоё харагдсан учраас” худалдаж авсан гэж тайлбарласан юм. Энэхүү скандалын дараа тэр хэсэг хугацаанд чимээгүй байж алга болсон ч YouTube болон Instagram хуудасдаа саяхан эргэн ирж, олны өмнө гарч, beauty influencer-ээр үргэлжлүүлэн ажиллаж байна.
Тулааны спортоор хичээллэдгээрээ алдаршсан Ким Жин Ён гурав дахь жилдээ панелистаар ажиллана
Single’s Inferno шоуны 2-р улирлын оролцогч 28 настай Kim Jin-young шоунд ирсэн өдрөө тулааны төрлийн гурван талт тэмцээнд амархан ялалт байгуулж, спортод идэвхтэй, фитнессээр хичээллэдэг болохоо гайхуулаад амжсан юм. Өмнө нь БНСУ-ын тэнгисийн цэргийн тусгай хүчний UDT багт дөрвөн жил алба хааж, 2020 онд чөлөөлөгдөж байжээ. Үүний дараа YouTube контент бүтээгч болж military, lifestyle, entertainment, gaming төрлөөр видео стрийм хийдгээрээ шаггүй олон үзэгчдийг байлдан дагуулж байв. Jin-young өөрийн ideal type-г нам гүм, эелдэг зан чанартай, эрүүл амьдралтай хүн сонирхдог гэж дүрсэлсэн бол мөн TWICE хамтлагийн Sana-г биширдэг гэдгээ хуваалцсан. Тэмцээн дууссан ч тэр шоуны панелистаар үлдэж, үзэгчид болон шүтэн бишрэгчдийг баярлуулсан юм.
Залуусын хүсэмжит оролцогч болсон харвардын оюутан И Надин
Lee Nadine нь 2000 оны 5-р сарын 1‐нд Нью-Йорк хотод төрсөн, 22 настай загвар өмсөгч, reality шоуны од. Өдгөө Harvard University‐д суралцдаг тэрээр Netflix‐ийн Single’s Inferno Season 2‐д оролцсноор ухаалаг, даруу зан, өвөрмөц хөөрхөн төрхөөрөө дэлхий даяар мянга мянган үзэгчдийн анхаарал татсан юм.
Nadine өмнө нь Harvard Medical School, Boston Consulting Group зэрэг байгууллагад ажиллаж байсан туршлагатай, нейросайнс болон компьютер шинжлэх ухааны чиглэлээр сурдаг гэдгээ дурьдаж шоуны үзэгчид, шүүгчдийг алмайруулж байлаа. Тэр мөн модель болон YG Entertainment‐ийн агентлагтай загвар өмсөгчөөр хамтран ажиллаж байжээ. Шоуны дараа тэр YouTube, Instagram зэрэг платформ дээр илүү идэвхтэй хэвээр байгаа ба тэр ирээдүйд мэс заслын салбарт карьер бүтээх, эмч болох зорилготой гэдгээ олон удаа хэлсэн юм.
Гоо сайхны мэс засалчын охин Shin Seul Ki кино салбарт хөл тавив
Single’s Inferno 2 шоу дууссан ч оролцогчдын цаашдын амьдрал, тэр дундаа хувийн амьдралыг нь сонирхох үзэгчид цөөнгүй бий. Үүний жишгээр шоуны эхэнд гэхэд л Seul Ki аль хэдийнэ баян чинээлэг гэр бүлээс гаралтай гэдэг нь ил болсон. Тэрээр 2020 онд Солонгосын уламжлалт гоо сайхны тэмцээн болох Miss Chunhyang‐д түрүүлж байжээ. Зөвхөн үзэсгэлэнтэй хөөрхөн гэдгээрээ үзэгчдийг гайхшруулаад зогсохгүй өндөр боловсрол, мэдлэгтэй гэдгээрээ олны анхаарлыг татаж байв. Өдгөө Сөүлийн Үндэсний Их Сургуулийн төгөлдөр хуурын ангид суралцдаг Seul Ki-гийн аав нь BIO Plastic Surgery эмнэлгийн үүсгэн байгуулагч, ахлах мэс засалч бөгөөд Сөүлийн Sinsa-д 20 давхар барилгатай, чинээлэг гэр бүл аж. Мэдээж Seul Ki ч мөн Tower Palace-ийн тансаг орон сууцанд амьдардаг ба үзэгчид пентхаус эсвэл дээд давхарт нь амьдардаг гэж таамаглан ярьдаг байна.
Seul Ki шоуны дараа дахин үзэгчдийг байлдан дагуулсан нь тэрээр кино урлагт хөл тавьж, Pyramid Game цувралд тогложээ. Ганц цуврал ч биш түүхэн кинонд хүртэл дүр бүтээгээд амжсан тэрээр өсөх ирээдүйтэй жүжигчин төрөлд нэр дэвшин шагнал хүртэл гардсан билээ.
“Mr. Red Flag” хочтой болсон И Гван и
Сагсан бөмбөгийн тамирчин Lee Gwan‐hee Single’s Inferno шоуны 3 дахь улирлын жинхэнэ од нь байв. Шоуны үеэр олон эмэгтэй оролцогчдын анхаарлыг татсан тэрээр БНСУ-ын Changwon LG Sakers багт shooting guard хийдэг мэргэжлийн тамирчин бөгөөд KBL‐ийн тоглолтод тогтмол оролцдог байна.
Gwan‐hee шоуны эхэнд өөртөө итгэлтэйгээр орж ирсэн ч, Seong Hae‐Seon, Choi Min‐Ji, Yun Han‐Jeong нартай давхар холбоо үүсгэж сонголт хийх явцад маргаантай, тодорхойгүй зан гаргаснаар “Mr. Red Flag” хэмээн үзэгчдээр хочлуулан шүүмжлүүлээд амжсан юм. Зарим интернет хэрэглэгчид, фэнүүд түүнийг “golden spoon” буюу алтан халбага зууж өссөн, баян гэр бүлээс гаралтай ч гэж таамагладаг байна.
“Mr. Red Flag”-ийг байранд нь тавьсан Чой Хэ Сон
Choi Hye‐seon "Single’s Inferno-3"‐т оролцохдоо би бусад охидоос өөр шүү гэдгээ Gwan‐hee болон үзэгчдэд баталсан юм. Тэрээр Durham University‐д data science болон bioinformatics чиглэлээр суралцдаг байна. Даруу төлөв, өөртөө итгэлтэй, шударга эрүүл чийрэг биетэй гэх мэт шинж чанарууд нь үзэгчид түүнийг төгс гэж үнэлж байлаа. Шоуны үеэр "Юу хүсэж байгаагаа ч мэдэхгүй эрэгтэй хүнийг би сонгохгүй" гэж оролцогч Gwan Hee-г шулуухан хэлсэн нь олон охидод үлгэр дуурайлал болсон. Түүний арлаас гадуурх амьдрал нь ч мөн маш сонирхолтой. Choi Hye‐seon мэргэжлийн модель бөгөөд Andar фитнесс хувцас, Roundlab арьс арчилгааны брэндүүдийн сурталчилгаанд ажилласан туршлагатай. Мөн World Vision‐ийн Chosen сайн дурын аянд оролцож, Африкийн хүүхдүүдэд туслаж чадсан нь “нэр төрийн хэрэг байлаа” гэж Instagram хуудастаа бичиж байжээ.
Хамгийн царайлаг, харц булаам эрэгтэй оролцогч Юүк Жүн Со
Yuk Jun Seo "Single’s Inferno-4" шоуны хамгийн их анхаарал татсан оролцогч юм. Yuk Jun Seo өмнө нь зэвсэгт хүчний UDT‐ийн гишүүн (усан доорх сүйтгэх отряд) байсан туршлагатай бөгөөд одоо визуал артист хийдэг, зурж, будах авьяасаараа хувийн студидээ ажилладаг байна.
Тэр өөрийн “Cranium” бие даасан үзэсгэлэнгээрээ Сөүлд урлагийн бүтээлүүдээ гаргаж, өөрийн туршлага, түүх зэрэг сэдвүүдийг дүрслэн үзүүлжээ. Jun‐seo нь The Iron Squad гэх цэргийн survival шоугаар алдарт хүрч, тэндээс олж авсан нэр хүндээр Single’s Inferno шоунд оролцох боломжтой болжээ. Тэрэр мөн Netflix‐ийн Sweet Home драмад дүр бүтээн жүжиглэх ур чадвараараа үзэгчдийг гайхшруулж байв. Шоуны явцад түүний одоо хүртэл харилцаа, урлаг, сэтгэл хөдлөл гэх олон талын зан чанар нь үзэгчдийн сонирхлыг татсан бол зарим нь түүнийг next breakout star (дараагийн том од) болж магадгүй хэмээн ярьдаг байна.
Үзэсгэлэнт төрхөөрөө эрчүүдийн хайрыг булаасан И Ши Ан
"Single’s Inferno-4" шоуны хамгийн алдартай эмэгтэй оролцогч болох И Ши Ан Leaders Entertainment-д харъяалагддаг, загвар өмсөгч, дуучин юм. Шоуны туршид алдартай байсан тэрээр агентлагын гэрээгээ зөрчсөн гэх үндэслэлээр шүүхэд дуудагдаж байв. Тэрээр Leaders Entertainment‐тэй 2023 оны 8‐р сараас хамтран ажиллаж, 2024 оны 4‐р сард Single’s Inferno 4‐д оролцосны дараагаар гэрээгээ 2026 оны 4‐р сар хүртэл сунгасан байна. Гэсэн ч Ши Ан Single’s Inferno 4‐ийн зураг авалт дуусмагц 2024 оны 8‐р сард гэрээгээ цуцлах хүсэлтээ илэрхийлсэн юм.
Leaders Entertainment нь Lee Si An‐гийн энэ үйлдлийг түүний тусгай гэрээ болон сунгалтын хэлцлийг зөрчсөн гэж үзэж, шүүхэд албан ёсны гомдол гаргасан гэж мэдэгджээ. Агентлаг нь гэрээг сунгах бүх асуудлыг Lee, түүний эцэг эхтэй нарийвчлан хэлэлцсэн гэдгийг онцолж, түүний гэнэт гэрээг цуцлах шийдвэр нь баримт нотолгоо муутай гэжээ.
Бэлтгэсэн: Б.Ариунзаяа
