Бага насны хоёр хүүхэд Улаанбурхан өвчнөөр нас баржээ
ХӨСҮТ-өөс гаргасан өнөөдрийн мэдээллээр Улаанбурхан өвчний батлагдсан тохиолдол 14-өөр нэмэгджээ. Одоогийн байдлаар эмнэлэгт 77 хүн хэвтэн эмчлүүлж байна.
Тухайлбал, нийслэлд 46 хүн, хөдөө орон нутагт 31 хүн хэвтэн эмчлүүлж байгаа аж. Харин гэрийн хяналтад 42 хүн байгаа юм. Сүүлийн 48 цагт Ховд аймагт бага насны хоёр хүүхэд Улаанбурхан өвчнөөр нас барсан байна.
Улаанбурхан өвчин нь халдварлалт өндөртэй ч вакцинаар сэргийлэгдэх боломжтой халдварт өвчин юм. Улаанбурхан өвчний эсрэг вакцинд хамрагдсан тухай мэдээллээ өрх, сумын эрүүл мэндийн төвдөө очин цахим бүртгэлийн программд бүртгүүлээрэй.
