GenZ нарын трэнд сэдэв “It girl”, "it boy" гэж юу вэ?
GenZ нарын дунд яригдаад буй “IT girl” гэх нэр томьёо анх ХХ зууны эхээр Их Британийн дээд давхаргын нийгэмд үүсэж, 1927 онд Paramount Studios-ийн It кино алдаршсанаар олны анхааралд хүчтэй орж иржээ. Тус кинонд жүжигчин Клара Бау тоглосон ба тухайн үед “it” гэдэг нь тухайн хүний бусдыг татах хүч, харизма, нийгэмд хэрхэн нөлөөлж буйг илэрхийлдэг байв.
Харин өнөөдөр энэ ойлголт илүү өргөн хүрээнд хэрэглэгдэж, тухайн үеийн хамгийн нөлөө бүхий, тренд дэлгэрүүлэгч, алдартай хүмүүсийг нэрлэх соёлын ойлголт болсон болжээ. Ялангуяа стиль, имижээрээ олны анхаарлыг татдаг алдартнуудыг тодорхойлоход түлхүү ашиглагддаг байна.
Энэ цагийн It girl болон It boy-ууд хэн бэ?
"IT girl, IT boy" нар тухайн цаг үед хамгийн их анхаарал татаж, стиль, имиж, амьдралын хэв маягаараа олон нийтэд нөлөөлж буй нэгнийг хэлдэг. Эдгээр хүмүүс заавал жүжигчин эсвэл модель байх албагүй, инфлюенсер, бизнес эрхлэгч, уран бүтээлч гээд салбартаа, олон нийтэд хүлээн зөвшөөрөгдсөн хэн ч байж болдог байна.
“It girl, It boy"-ийн гол шинжүүдэд гадаад төрх, сонирхол татахуйц зан чанар, тухайн үеийн соёл, чиг хандлагыг илэрхийлж буй байдал, харизм болон сошиал медиа дахь нөлөө багтдаг. Тэгвэл дээрх шинж чанруудыг өөртөө бүрдүүлсэн, жинхэнэ it girl гэх тодорхойлолтод зүй ёсоор BLACKPINK хамтлагийн Jennie нэрлэгддэг байна. Тэрээр зөвхөн дэлхийд алдартай K-pop дуучин төдийгүй, стиль, имиж, харизм, онцгой авьяас, ихэмсэг үзэсгэлэнтэй төрх, төгс хувцаслалттай нь түүнийг өнөөдрийг хүртэл энтертайнмент салбарын жинхэнэ IT girl болгожээ. Jennie k-pop салбарт гарч ирсэн цагаасаа хойш карьераа тасралтгүй хөгжүүлж яваа. Chanel, Calvin Klein, Gentle Monster зэрэг загварын томоохон брэндүүдийн нүүр царай, ambassador-оор ажиллаж, загварын чиг хандлагыг тодорхойлж ирсэн нь түүний нэр хүндийг илтгэх биз ээ. Мөн соло уран бүтээлүүдээс гадна сүүлийн үед MMA, GDA зэрэг томоохон тайзан дээрх үзүүлбэрүүдээрээ үзэгчдийн анхаарлыг татсаар буй.
Одоо Jennie-гийн хамгийн алдартай, трэнд тодорхойлсон мөчүүдийг сонжъё.
GLITTER HAIR CLIPS
Jennie “SOLO” дууныхаа тайзны үзүүлбэр үзүүлэх үеэр олноор нь зүүсэн гялалзсан үсний хавчаар хувцаслалттай нь төгс зохицсон төдийгүй дэлхий даяар цахим орчныг шуугиулж шинэ трэндийг үүсгэж байсан юм. Фэнүүд, загвар сонирхогчид гээд тухайн үед бүгд л энэ хэв маягийг дууриан үсээ янзалж дууриаж байв.
TWO-TONED HAIR
Тэрээр“Two Toned Hair” төрхөөрөө гоо сайхан, загварын ертөнцөд шинэ тренд тогтоосон. Түүний төгс стиль, зоригтой сонголтуудыг мэддэг хүмүүсийн хувьд, анх Jennie энэ үсний засалтайгаар харагдсан цагаас л фэнүүд, загварын сонирхогчдын дунд сенсаци болон тархаж байлаа.
JENNIE BAND-AID LOOK
Jennie-гийн алдартай “Band-Aid Look” нь 2023 оны эхээр гэнэтхэн шинэ трэнд болон гарч ирэв. Jennie дасгал хийж байхдаа багахан гэмтэл авч, царай дээр нь жижиг сорви үлджээ. Гадаадад ажиллах болон “BORN PINK” аялан тоглолттой байсан Jennie нүүрэн дээрээ шархны наалт нааж, олны өмнө гарав. Харин шархны наалттай энэ төрх нь цахим орчинд олны анхаарлыг татаж, олон хүн “Jennie Band-Aid Look”-ийг дууриан дагах болсон юм.
Холливүдийн "it boy"
Сүүлийн үеийн кино наадмаас гол гэсэн ихэнх шагналыг түүгээд буй Timothée Chalamet "It boy" гэсэн нэр томьёог бүрэн төлөөлж чаддаг нэгэн аж. Саяхан Golden Globe наадмаас шагнал хүртсэн түүний хувцаслалтыг олон улсын загварын салбарт эрэгтэй стиль трэнд тодорхойлогч хэмээн олон хэвлэл мэдээлэлд нэрлэгдсэн билээ.
Тухайлбал Vogue сэтгүүл түүнийг Chloé брэндийн анхны It boy болгосноо онцолж байжээ. Timothée Chalamet Kardashian эгч дүүсийн нэг, Kylie Cosmetics-ийн үүсгэн байгуулагч Kylie Jenner-тэй үерхэж буй нь олны анхаарлыг илүүтэй татаж, It couple хэмээн нэрлэх ч болсон. Тэрээр өмнө нь алдарт жүжигчин Johnny Depp-ийн охин Lily-Rose Depp-тэй үерхэж байв. .
“It couple”-д өрсөлдөгчгүйгээр сонгогдох хосууд
“It couple” нь зөвхөн хувийн амьдрал, романтик харилцаагаараа бус, ажил мэргэжил, карьераа авч явах байдал, нийгэмд үзүүлэх нөлөөллөөрөө үлгэрлэн олон нийтэд хүлээн зөвшөөрөгдсөн хосуудыг хэлдэг байна.
Zendaya ба Tom Holland
21-р зууны шилдэг кино, ТВ шоуны өндөр үнэтэй, нэр хүндтэй жүжигчнээр үнэлэгддэг Zendaya ба Tom Holland нарын хайр дурлалын түүх киноны зохиолоос ч илүү сонирхолтой, романтик билээ. Тэд 2016 онд “Spider-Man: Homecoming” киноны зураг авалтын үеэр танилцаж, олон жилийн турш найз нөхдийн харилцаатай байсан ч 2021 онд романтик харилцаагаа албан ёсоор олон нийтэд ил болгосон юм.
Oprah Winfrey ба Stedman Graham
Тэдний харилцаа 1986 оноос эхлэлтэй бөгөөд 1992 онд сүй тавьсан ч өнөөдрийг хүртэл гэрлээгүй ч хамт байсан хэвээр байгаа юм. Oprah өөрөө олон нийтэд өгсөн ярилцлагадаа "бидний харилцаа урт хугацааны хамтын амьдрал, хайр сэтгэл үнэнч байдлаа батлахад гэрлэлт шаардлагагүй" гэж тайлбарласан байдаг.
Бэлтгэсэн Б.Ариунзаяа
