Сайд Ж.Ганбаатарын охин хувиасаа зардлаа гаргаж, чуулга уулзалтад оролцсон гэв
Улс төрийн албан томилолт, чуулга уулзалтад улстөрчид өөрийн холбоо хамаарал бүхий хамаатан садан, ойр дотнын хүмүүсээ дагуулж явах нь бий. Тэгвэл цахим орчинд УУХҮ-ийн сайд Ж.Ганбаатар төрсөн охиноо төрийн зардлаар албан айлчлалд дагуулж явсан гэх шүүмжлэл дагуулав.
Тухайлбал, Канад Улсын Торонто хотноо зохион байгуулагдаж буй "PDAC 2024" чуулганд УУХҮ-ийн сайд Ж.Ганбаатар болон холбогдох албаны хүмүүс оролцож буй.
Тэгвэл УУХҮ-ийн сайд Ж.Ганбаатарын охин Г.Хүслэн олон улсын уул уурхайн чуулганд сайн дураараа оролцохыг хүсэж, хувиасаа зардлаа гаргасан гэв. Тэрбээр Канад улсын Торонто хотод суралцаж төгсжээ.
