Түлхүүрийн нүхээр: Улсын тэргүүний рийлчин улстөрчид
Хамгийн гоёмсог үзүүштэй reel Ерөнхийлөгч У.Хүрэлсүхийнх. Арай өөр тавилт бүхий өнгө будаг сүлэлдсэн тэдгээр рийлийг “Хит”-ийн Д.Давааням агсны хүү Д.Даваадорж ахлан сценарийг удирдаж суудаг. Түүний араас ЗГХЭГ-ын дарга С.Бямбацогт, Ерөнхий сайд Г.Занданшатар нар гэзэг дарна. Зандан даргын номтой рийл хэсэг нүд гялбуулсан бол С.Бямбацогт даргынх бараг л унтаж байхад нь орон дээгүүрээ нь дронд нисэж байдаг байх гэмээр ганган.
Бүсгүйчүүдээс Б.Батцэцэг сайд Баянхонгорт бараг богино хэмжээний кино шахуу бичлэгүүд хийж саяхны өдрүүдэд аархлаа. Энэ мөнгө нь яамнаас нь гардаг юм болов уу, хувиас нь уу гэж жиг жугхийж байна. Бүтэн видеоны баг ажиллаж байж өнгө будагтай хачин гоё рийлүүд үзэгчдийн хүртээл болдог учраас арга ч үгүй юм. Эднээс өмнө гялгар рийлчнээр Т.Мөнхсайхан тодорч байв. Лукагаас өмнө бүсгүйчүүдийн краш байсных цасан дунд машины хажууд зүгээр зогсож байгаа нь хүртэл янзага харагддаг “гэжугаа”.
С.Цэнгүүн гишүүн нэг бол гадаадад аялж нэг бол ямарваа нэг контентод орж ярьж суудаг. Амны салиа нь арилаагүй гэдэг шиг ид ярьдаг дээрээ ажиллаж байгаагаа гайхуулдаг нас юм уу даа. Түүний хамаг л арын албыг Ч.Лодойсамбуу базаж, цүнхийг нь барихаас наагуур дагаж гүйдгийнх видеонууд нь эвтэйхэн явж байгаа. Жагсаалтын номер нэг Лука пологдтол бүх сувгаар эфирт гарсаар байгаа. С.Цэнгүүн Лука хоёрын хувьд өөрсдөө мөнгө зарах гэхээсээ илүү олон түмнийхээ буянаар од болж яваа улстөрчид. Хууль зүйн сайд Б.Энхбаяр сүүлд нэг айхтар рийл хийгээд балбуулаад таг болсон. Сав л хийвэл хөлөө ачиж, гараа салаавчлаад ярьж суудаг тэрбээр ойрд намбыг зааж байна.
