Дарсны улаан өнгө болох burgundy өнгө энэ хавар ТРЭНД болох нь
Хаврын улирал ихэвчлэн пастель өнгө, цэмцгэр цагаан, өөдрөг тод өнгөөр тодорхойлогддог. Дарсны улаан өнгө болох burgundy өнгө хаврын хувцаслалтын санаанд хамгийн түрүүнд орох сонголт биш байж магадгүй.
“Улаан өнгөөр жижиг акцент өгөх” нь стилистүүдийн удаан хэрэглэж ирсэн арга боловч burgundy нь илүү баялаг, бас өдөр тутамд илүү амархан зохицдог мэт санагддаг. Намар-өвлийн улиралд трэнд болж гарч ирсэн энэ өнгө одоо ч эрчээ алдалгүй хаврын загварт шилжин орж байна. Галын улаан, шуудангийн хайрцаг шиг тод улаан өнгөнүүдийн хажуугаар каберне, оксблад, мерло, гүн чавганы зэрэг дарсны өнгийн сүүдрүүд хавар-зуны хувцаслалтад дулаан мэдрэмж нэмэх болно.
2026 оны хавар-зуны загварын тайзнуудад олон дизайнер дарсны өнгийн палитрыг туршиж үзсэн учраас сонголт ч арвин байна.
-
Chanel брэнд дээр классик загваруудыг шинэчилж, гялалзсан гүн өнгөөр амилуулжээ. Clutch цүнх, дөрвөлжин мөрний цүнх, мөн алдарт quilted загваруудыг хар интоор, анар өнгөөр будаж танилцуулсан.
Miu Miu харин зөөлөн ширхэгтэй арьсан материалаар хийсэн bowling загварын цүнхийг танилцуулж, тэмээний өнгийн поло цамц, ногоон A-шугаман банзалтай хослуулсан нь burgundy өнгө нейтрал болон тод өнгөтэй ч сайхан зохицдгийг харуулжээ.
- Valentino матрын хээтэй, гинжтэй цүнхээр гялалзсан тансаг төрхийг бүрдүүлсэн бол
Balenciaga өөрийн алдарт City загварын цүнхийг гүн ягаан ба нил ягааны завсрын өнгөөр дахин танилцуулсан байна.
- Мөн Dior жижиг гоёлын бантаар чимэглэсэн бүтэцтэй цүнхнүүдийг,
-
Stella McCartney брэнд өөрийн таних тэмдэг болсон веган арьсаар хийсэн дөрвөлжин clutch болон гялалзсан цүнхнүүдийг толилуулжээ.
Загварын шоуны гаднах гудамжинд ч энэ өнгө ямар олон янзаар хослох боломжтой болохыг загвар сонирхогчид харуулсан. Зарим нь дарсны улаан өнгийг зүгээр л жижигхэн өнгийн акцент болгон ашиглаж, саарал костюм эсвэл беж өнгийн пальтог тодотгох мөрний цүнх, эсвэл сул жинсэн өмдтэй зохицох бариултай цүнхийг сонгожээ.
Минималист хэв маягтай ч бай, илүү тод, анхаарал татах стильтэй ч бай дарсны улаан өнгийн цүнх хэн бүхний хувцаслалтад зохицох сонголттой.
Өдөр тутамд энгийн атлаа цэгцтэй харагдуулах сул загварын том цүнх, ажил хэрэгч орчинд тохирох бариултай бүтэцтэй цүнх, эсвэл үдэшлэг, арга хэмжээнд барих гоёмсог жижиг clutch гээд олон төрлийн загвар бий.
