Жүжигчин Тимоти Шаламе дуурийн талаар хэлсэн үгнээсээ болж Оскарын шагнал хүртэх магадлал нь 36,9% болж буурав

Холливудын залуу од Тимоти Шаламе дуурь, балетын талаар хэлсэн үгнээсээ болж олон нийтийн шүүмжлэлд өртөөд байна. Тэрбээр өнгөрсөн оны хоёрдугаар сарын 24-нд болсон нэгэн уулзалтын үеэр “Би дуурь эсвэл балет дээр ажиллахыг хүсдэггүй. Хэн ч тоодоггүй зүйлийг хүмүүст хүчээр сонирхуулж байгаа юм шиг санагддаг” гэж хэлсэн байна.

Удалгүй тэрбээр уучлал хүсч, дуурь болон балетын уран бүтээлчдийг хүндэлдгээ илэрхийлсэн ч шүүмжлэл одоо хүртэл намжаагүй байна. Сонгодог урлагийнхныг бухимдуулсан уг маргаанд түүний ээж, эмээ хоёрыг хамруулсан бөгөөд тэдний мэргэжлийн бүжигчин байсан нь ил болж, олон хүн Тимоти Шаламег гэр бүлийнхээ урлагийн уламжлал, соёлд хүндэтгэлгүй хандсан гэж үзэж байгаа аж.

Энэ маргаанд нэрт жүжигчин Jamie Lee Curtis хүртэл байр сууриа илэрхийлж, "...уран бүтээлчид бие биенийхээ урлагийг үгүйсгэх ёсгүй" хэмээн шүүмжилсэн байна. Тэрээр мөн тайзны уламжлалт урлагийг дэмжиж буйгаа ч илэрхийлжээ.

Энэхүү маргаан түүний оскарын наадмаар шагнал авах боломжийг багасгаж байгаа гэж урьдчилсан таамаглал гаргадаг Gold Derby сайтад дурдсан байна. Тухайлбал Gold Derby сайтад мэдээлснээр, Sinners киноны жүжигчин Майкл Б.Жордан “Шилдэг эрэгтэй жүжигчин” шагнал авах магадлал 48.28% болж өссөн бол Тимоти Шаламе-гийн магадлал 36.99% болж буурчээ.