Ардчилсан намыг дараагийн сонгуульд манлайлах дарга нар хэн нь хэн бэ?

Ардчилсан намын хамгийн дуулиантай хамгийн их мөнгө зарсан дотоод сонгууль анхаарлын төвд орлоо.

Та бүхэнд сонгогдсон дарга нарыг танилцуулж байна. Ч.Лодойсамбуу "хусагдаж" О.Амгаланбаатар Нийслэл хүү болж П.Галиндэв мисс гэргийтэйгээ СХД-д очив Нийслэлийн дүүргүүдийн шинээр сонгогдсон Ардчилсан намын дарга нар сонирхолтой хүмүүс сонгогдов. Хан-Уулд гишүүн Ч.Лодойсамбуу АН-даа даргалж чадахгүй ялагдсан нь ёстой "Хугархай эрүүний "шөл"" номныхоо шөлийг уусантай адил зүйл болов.

Угаас гишүүн хүн заавал дүүргийн намын хороо ахлахгүй байсан ч тойрогтоо зүтгэх нь зүтгэнэ л дээ. Өөр нэг содон зүйл нь О.Амгаланбаатар гишүүн хөдөөний хөрслөг бор төрхтэй ч цэмцгэр Баянголыг даргалах нь. Харин СХД рүү Баянголдоо он удаан жил нэр нүүртэй явсан цэмбэгэр хархүү мисс гэргийтэй П.Галиндэв даргаар очсон байх юм. Энэ хоёрынхоо байрыг сольсон бол өнгө зүс нь тохирох байсан юм биш үү гэлцэж байна. Байсгээд үнэтэй пиджак өмсөн гарч ирж хур баянаа гайхуулдаг Х.Болормаа Сүхбаатар дүүргийн АН-ыг даргална. Хөлбөмбөгийн холбоо гэж хэрүүл нь тасардаггүй газраар он удаан жил овголж явсан Габи гишүүн Баянзүрхдээ даргалах нь. Бидний таних танихгүй олон дүрүүд дарга болж сонгуулийн торгон жолоо атгаад авлаа.

1.Баянзүрх дүүргийн АН-ын даргаар УИХ-ын гишүүн А.Ганбаатар

2. Баянгол дүүргийн АН-ын даргаар УИХ-ын гишүүн О.Амгаланбаатар

3. Чингэлтэй дүүргийн АН-ын даргаар УИХ-ын гишүүн Ц.Баатархүү

4. Хан-Уул дүүргийн АН-ын даргаар Б.Түвшин

5. Налайх дүүргийн АН-ын даргаар Н.Гансүх

6. Сүхбаатар дүүргийн АН-ын даргаар Х.Болормаа

7. Багануур дүүргийн АН-ын даргаар Г.Цамбагарав

8. Багахангай дүүргийн АН-ын даргаар Ц.Эрдэмбилэг

9. Сонгинохайрхан дүүргийн АН-ын даргаар П.Галиндэв АН-ынхан намын төлөөллийн төв байгууллага болох Үндэсний бодлогын хороонд шат шатны төлөөлөл нэрээ дэвшүүлж, сонгогдлоо.

Мөн намын дунд шатны дарга нарыг сонгосон юм. Өөрөөр хэлбэл, 21 аймаг, есөн дүүргийн АН-ын хорооныхоо удирдлагаа сонгов. С.Баярцогт, АПУ "гүнж" П.Батчимэг, Женкогийн хүү шахуу П.Нүрзэд нар тодоор гэрэлтэв Энэ удаад АН орон нутагт ихэд мэрийлттэй үзэлцэнэ гэдгээ сонгосон дарга нараараа илтгэв.

Экс гишүүд нь ҮБХ-ны гишүүн хавьцаа бууж даруухан загнасан дотор Женкогийн энгэрийн зүүлт А.Адьяасүрэн багтаж байна. Баянхонгор бараг Женкогийн тусгаар ертөнц шахуу байдаг. П.Нүрзэд сонгуульд өвдөг шороодсон ч сайн ахынхаа буянаар тус аймгийг даргалах нь. Хацрын улаанаа ч арилгадаггүй хөдөөний төрхөөрөө имиж хийгээд яваад байсан нь нутагтаа ингэж очихоо мэдэж байсан гэлтэй.

Өвөрхангай аймгийн Ардчилсан намын даргаар АПУ-гийн гэр бүлээс цор ганц улс төрд дархлагдсан нь шинэхэн гишүүн П.Батчимэгт Өвөрхангайн Ардчилсан намын дарга түүнд хүнддэх ачаа мөн эсэхийг цаг хугацаа тодруулбал сонгуулийн үр дүн харуулах болно.

Жилийн 4 тэрбумын татвар төлдөг шилдэг татвар төлөгч АПУ гэр бүлээс эрчүүд нь улс төрд зүтгэх гээд эвээ олоогүй. АПУ-гийн залуу гүнж Б.Цэлмэг СДМЗХ-нд зүтгэж байгаа. "Хөх чоно" группийн бяртай мөнгөтэй хүү П.Мөнхтулга Архангай аймгаа дааж авлаа. Мөнгө байхад бусад нь аандаа болчихно гэж тооцсон бололтой дог шүү. Ийнхүү АН-ын шинэ дарга нарын нэрс сюрприз шиг задарч МАН яаж зүгээр байхав өөдөөс нь "царцаа" нүүлгэн сонгуулийг нь бужигнуулж үзлээ.

Ардчилсан намын сэргэлт аль ч намынханд таатай санагдахгүй байгаа нь тодорхой. Бүх дарга нар МАН-ынхан руу харан "Чи миний учралт мөн үү" гэсэн шиг ёжтой харцгааж байна.

1. Баян-Өлгий аймгийн Ардчилсан Намын даргаар урьдчилсан байдлаар А.Бегарыс

2. Увс аймгийн Ардчилсан Намын даргаар урьдчилсан байдлаар Н.Батбаяр

3. Ховд аймгийн Ардчилсан Намын даргаар урьдчилсан байдлаар М.Амарсанаа

4. Хэнтий аймгийн Ардчилсан Намын даргаар урьдчилсан байдлаар Д.Аюурбунь

5. Төв аймгийн Ардчилсан Намын даргаар урьдчилсан байдлаар Л.Төмөрчөдөр

6. Сүхбаатар аймгийн Ардчилсан Намын даргаар урьдчилсан байдлаар УИХ-ын гишүүн Ж.Батсуурь

7. Өмнөговь аймгийн Ардчилсан Намын даргаар урьдчилсан байдлаар Н.Энхбат

8. Өвөрхангай аймгийн Ардчилсан Намын даргаар урьдчилсан байдлаар УИХ-ын гишүүн П.Батчимэг

9. Орхон аймгийн Ардчилсан Намын даргаар урьдчилсан байдлаар Г.Алтангэрэл

10. Дундговь аймгийн Ардчилсан Намын даргаар урьдчилсан байдлаар Б.Лхагвамандал

11. Завхан аймгийн Ардчилсан Намын даргаар урьдчилсан байдлаар Б.Эрдэнэбаатар

12. Дархан-Уул аймгийн Ардчилсан Намын даргаар урьдчилсан байдлаар УИХ-ын гишүүн С.Эрдэнэболд