Нийгмийн стресс, бухимдал иргэдийг хүнд сэтгэл гутралд оруулдаг

Өнөөдөр дэлхийн аз жаргалын өдөр тохиож байна. Дэлхийн аз жаргалын өдрийг тохиолдуулан НҮБ-аас жил бүр улс орнуудын аз жаргалын индексийг танилцуулдаг. Харин энэ жил Финланд дэлхийн хамгийн аз жаргалтай орноор долоо дахь жилдээ дараалан шалгарчээ.

Аз жаргалын түвшний үзүүлэлт 2006-2010 оноос хойш хамгийн их буурсан орнуудад Афганистан, Ливан, Йордан орсон бол Серб, Болгар, Латви зэрэг Зүүн Европын орнуудад хамгийн ихээр нэмэгджээ. Уг үзүүлэлтийг хувь хүний амьдралын сэтгэл ханамж, нэг хүнд ногдох ДНБ, нийгмийн хангамж, дундаж наслалт, хүмүүсийн өглөгч өгөөмөр байдал, эрх чөлөө, авлига зэрэгт үндэслэн гаргадаг. 

МОНГОЛ УЛС АЗ ЖАРГАЛЫН ИНДЕКСЭЭР 146 УЛСААС 69-Д ЖАГСЖЭЭ

Улс орнуудын иргэдийн аз жаргалын түвшинг тодорхойлохдоо дундаж наслалт, нийгмийн халамж, авлигын түвшин, нэг хүнд ногдох ДНБ, иргэний эрх чөлөө, ажлын байрны баталгаа, авлигын түвшинээс хамаарч гаргадаг. Тэгвэл манай улс нийгмийн сэтгэцийн асуудал ихтэй, аж жаргалын индексээр дэлхийд 146 улсаас 69-д жагссан байна.

ИРГЭД БИЕЭ ЭМЧЛҮҮЛДЭГ ШИГ СЭТГЭЛ ЗҮЙДЭЭ АНХААРАЛ ХАНДУУЛЖ ЧАДДАГГҮЙ

Манай оронд амьдарч буй орчин, харилцаж байгаа хүмүүс, нийгмээс шалтгаалах хүчин зүйлс, өөрт тохиолдсон хүндхэн явдлаас үүдсэн сэтгэл гутралаа эмчлүүлэх нарийн арга, тусгайлан хандах хүн байдаггүй. Наад захын ажлын байрны ачааллаа багасгах, түгжрэлийн стресс, үл ойлголцлоо ч бусадтай хуваалцан, засаж залруулж боломжгүй байдаг. Гэвч бид өөрт тохиолдох эдгээр стресс, асуудлаа тэр бүр мэргэжлийн эмч, сэтгэл зүйчид нээж, илэрхийлдэггүй байна.

Хотожсон, илүү хөдөлгөөнтэй нийгэмд амьдрах нь бидэнд олон талын давуу байдал, илүү олон сонголтыг өгдөг ч нөгөө талаас сэтгэл зүйн томоохон сорилтуудтай нүүр тулдаг. Иргэд үүнээс үүдэн стресс бухимдалд орж, сэтгэл гутралд ордог байна. 

Стресс, бухимдал үүсэх гол шалтгаанд:

•           Нийгэм, хүрээлэн буй орчин

•           Нийгмийн асуудал

•           Дуу чимээ

•           Эмх замбараагүй орчин

•           Автомашины зогсоолын хүрэлцээгүй байдал

Түгжрэл гэх мэт шууд өөрчлөх боломжгүй хүчин зүйл

•           Гэнэтийн үйл явдал

•           Дотны хүнээ алдах

•           Гэр бүлийн маргаан

Бусадтай санал зөрөлдөх гэх мэт гэнэтийн хүчин зүйл

•           Амьдралын хэв маяг

•           Хэт ачаалалтай ажиллах

•           Архи, тамхи хэтрүүлэх хэрэглэх

•           Буруу хоолны дэглэм

•           Өөрийгөө хэт шүүмжлэх гэх мэт өөрөө өөрчлөх боломжтой хүчин зүйлсээс шалтгаалдаг байна.

Дээрх хүчин зүйлсээс сэтгэцийн эрүүл мэндийн эмч нарт ажиллах орчин нөхцлийн хувьд ачаалал ихтэй, баггүй хүндрэл тохиолддог байна. Иймд нийгмээс үүдсэн дээрх хүчин зүйлүүдийг багасгахын тулд дүүрэг, хөдөө орон нутгийн сургуулиуд, төрийн болон албан байгууллагуудад сэтгэл зүйчтэй болгож, ажиллах орчин нөхцлөөр хангах шаардлагтай юм.