"1984" постдрам жүжиг өнөөдөр хөшгөө нээнэ
Жил бүр дэлхийн театрын өдрийг угтан дэлхийн сонгодог зохиолыг тайзнаа амилуулдаг найруулагч М.Батболд дахин шинэ салхи үлээх нь. Тэрбээр энэ удаад “1984” романаас сэдэвлэсэн постдрам жүжгийг тайзнаа амилуулж буй.
Уг жүжигт МУГЖ С.Болд-Эрдэнэ, Д.Ганцэцэг нарыг сонгосон нь үзэгчдэд хүлээлт үүсгэж эхэлсэн. Драмын тайзыг хамтдаа эзэгнэж явсан тэд 18 жилийн дараа нэг тайзнаа гарч байгаа нь энэ юм. Дэлхийн театрын өдөр, урин хавартай учран золгодог “Орфей” театрын энэ удаагийн жүжиг нийгэм, цаг үеийн том толь, том тэсрэлт болох биз ээ. "1984" постдрам жүжиг өнөөдрөөс эхлэн 4-р сарын 15-ныг хүртэл тоглох юм.
