Харри Поттер киноны жүжигчин Эмма Уатсон нисэх онгоцны буудал дээр тэрбумтан Гонзало Байерестэй үнсэлцэн, үерхэж буйгаа баталлаа

Алдарт "Харри Поттер" цуврал киногоор олонд танигдсан жүжигчин Эмма Уатсоны нисэх онгоцны буудал дээр тэрбумтан Гонзало Хэвиа Байерестэй үнсэлцэж буй зураг цацагдаж, залуу тэрбумтантай үерхэж буй нь батлагдлаа. 

"Beauty and the Beast" киноны од, 35 настай Эмма Уатсон болон баян бизнес эрхлэгч Гонзало Байерес нар анх 2025 оны 12-р сард Францын Courchevel амралтын бүсэд олон нийтийн өмнө хамт харагдсанаар болзож эхэлсэн гэх цуурхал гарч байсан юм. Үүний дараа тэд Мексикийн Номхон далайн эргийн тансаг амралтын бүс болох Punta Mita-д хамтдаа харагдсан байна.

Байерес нь Мексикийн хамгийн баян гэр бүлүүдийн нэгээс гаралтай бөгөөд олон тэрбум ам.долларын хөрөнгийн өв залгамжлагч юм. Тэрээр HBeyond нэртэй, шинэчлэл авчрах технологид хөрөнгө оруулдаг компанийн үүсгэн байгуулагч, гүйцэтгэх захирлаар ажилладаг бөгөөд тус компанийн оффисууд Миами, Нью-Йорк болон Мексик хотод байрладаг.

Мөн тэрээр өмнө нь хиймэл оюун ухааны чиглэлээр ажилладаг INSAITE компанийг удирдаж байсан бөгөөд логистикийн Lok компанийг байгуулсан. Энэ компани Латин Америк дахь “smart locker” буюу ухаалаг хүргэлтийн хайрцгийн хамгийн том сүлжээг бий болгожээ.

Байерес 2022-2024 оны хооронд Мексикийн поп од Belinda-тай болзож байжээ. Зарим эх сурвалжийн мэдээлснээр Белинда 2025 онд гаргасан “Heterochromia” хит дуугаа Байерест зориулан бичсэн байж магадгүй гэж таамагладаг. Учир нь Байересийн хоёр нүд өөр өнгөтэй байдаг аж.

Харин Уатсон 2022 онд загварын бизнес эрхлэгч Sir Philip Green-ий хүү Brandon Green-тэй холбогдож байв.