Ж.Цолмон дарга эхлээд зургаа авахуулж сурмаар байна

Цагтаа цалгиж явсан Ж.Цолмон МАН-ын өнөөгийн бужигнасан хүүхнүүдийг сураггүй байхад гоо үзэсгэлэнтэй, угсаа гарал сайтай, өндөр боловсролтой гэгдэж улс төрд шинэ салхи сэвэлзүүлж гарч ирж байв. Харамсалтай нь гарч ирсэн шигээ хүчтэй, дорвитой карьер хийж чадаагүй. Хамгийн өндөр карьер нь Эрүүл мэндийн дэд сайд. Сүүлд АШУҮИС-ийн захирлын суудлыг МАН түүнд өгсөн. Гэвч үзэл бодол нь хувирсан уу, эсвэл намдаа гомдсон уу нэг л өдөр Ж.Батзандангийн байгуулсан ШИНЭ намын дэд дарга болчихсон. Жагсаалтаар орох тохироотой ийшээ гүйж орсон болов уу гэж уншигддаг.

Уг нь түүнд юм, юм л бий. Гайхуулах удам судар, гоо үзэсгэлэн, гоё нөхөр, домогшиж болох үүх түүх, мөнгө хөрөнгөөр ч дутаж гуцахгүй. Бүр шинжлэх ухааны доктор болсон гоё CV ч байна. Гэвч улс төрд нэг л эвээ олдоггүй нь хачин. Шулуухан хэлчихэд гадаад имиж, дүр төрх талдаа алдаад байдаг юм болов уу. Хувцсаар нв угтаж ухаанаар нь үднэ гэдэг шүү дээ.

Тэгээд ч гадаад төрх байдал, имиж хувцаслалт гэдэг эзнийхээ тухай өмнөөс нь яриад өгчихдөг айхтар зүйл гэдгийг бодолцож үгүй ядахдаа постныхоо зургийг пиксел сайтай аппаратаар, мэдрэмжтэй зурагчнаар авахуулах гэх мэт өч төчнөөн арга бий. Айхтар хүүхнүүд цаана чинь тувтан филтертэй зураг “шахаж” байна. Улс төрч хүн филтертэй зураг албан ёсны хуудастаа нийтлээд байх нь хаашаа ч юм. Гэхдээ Ж.Цолмон даргын ихэнх зураг хэт барбилаг, үс, “чёлк” нь ундуй сундуй за бараг сэгсийсэн маягтай, нүдний харц, биеийн хэлэмж нь өөртөө итгэлгүй магадгүй насанд хүрээгүй маягийн сэтгэгдэл төрүүлэхүйц. Үнэндээ улс төрд барби маягийн охид биш өөртөө итгэлтэй, насанд хүрсэн, хүчирхэг харизмтай бүсгүйчүүд хэрэгтэй. Ийм дүрийг сонгогчид хайж явдаг байна.

Гадаад төрх байдал чухал шүү Ж.Цолмон дарга аа.