"Ул" сайд асан Д.Сарангэрэл намын жагсаалтаар сонгогдохоор улайрч эхэлжээ
2024 оны УИХ-ын сонгууль болоход хоёр сарын хугацаа үлдэж байна. Энэ удаагийн сонгуульд 128 гишүүн УИХ-д суух юм.
Тухайлбал, УИХ-ын 78 гишүүн олныг төлөөлөх, 48 гишүүнийг хувь тэнцүүлэх аргаар сонгоно гэж сонгуулийн хуулинд заасан. Жагсаалтаар нэр дэвшигчдийг бичихдээ 1:1 гэх харьцаагаар бичих бөгөөд энэ нь УИХ-д 24 эмэгтэй нэр дэвшигч орж ирэх бололцоо бүрдэж байгаа юм. Жишээ нь МАН жагсаалтаас 16 суудал авлаа гэхэд 8 нь эмэгтэй байх юм. Тэгвэл зарим улстөрчид намын жагсаалтаар сонгогдохоор улайрч байгаа гэх. Тэр дундаас УИХ-ын гишүүн Д.Сарангэрэл жагсаалтад нэрээ бичүүлэхээр өрсөж байгаа сурагтай. Д.Сарангэрэлийн хувьд Хан-Уул дүүргээс гурван удаа УИХ-д сонгогдсон Эрүүл мэндийн сайд, Хөдөлмөр нийгмийн хамгааллын сайд, Байгаль орчин аялал жуулчлалын сайд зэрэг албан тушаалыг хашиж байсан. Гэвч түүнийг Хан-Уулаас бус Хөвсгөл, Булган, Орхон аймгаас нэр дэвшихийг санал болгожээ. Харин "саран ижий", "ул" хатагтай Д.Сарангэрэл намын жагсаалтаар эхний 15-т орохоор намын даргаа ятгаж суугаа л гэнэ дээ.
